Асаблівая адметнасць круглянцаў – іх шчырасць і працавітасць. Кожны год рэгіён “прырастае” самымі рознымі дасягненнямі як у вытворчых справах, так і ў сацыяльнай галіне. Прыйшоў час сказаць “дзякуй” і на афіцыйным узроўні. Злёт перадавікоў народнай гаспадаркі — якраз і з’яўляецца той дзеяй, якая як бы вянчае працу папярэдняга года.

Асаблівая адметнасць круглянцаў – іх шчырасць і працавітасць. Кожны год рэгіён “прырастае” самымі рознымі дасягненнямі як у вытворчых справах, так і ў сацыяльнай галіне. Прыйшоў час сказаць “дзякуй” і на афіцыйным узроўні. Злёт перадавікоў народнай гаспадаркі — якраз і з’яўляецца той дзеяй, якая як бы вянчае працу папярэдняга года.
Традыцыі гэтай не адзін дзесятак гадоў. Свята чакаюць намінанты на прызавыя месцы, да яго рыхтуюцца кіраўнікі раёна, работнікі культуры. На апошніх ляжыць асаблівая адказнасць. Атрымліваецца як бы два ў адным: і дзякуй перадавікам за добрасумленную працу можна сказаць прылюдна, і тэатралізаваную канцэртную праграму падарыць. Ня-гледзячы на тое, што злёт сёлета ладзіўся не ў самім Круглым, бо ідзе бягучы рамонт РДК, а за больш як дзесятак кіламетраў у аграгарадку Цяцерына, усё было арганізавана на самым высокім узроўні. Мясцовы сельскі Цэнтр культуры прыцягваў увагу шматлікіх гасцей вялізным плакатам на весніцах галоўнага ўваходу са словамі “Шчыра вітаем лепшых працаўнікоў раёна”. У фае Цэнтра разгарнулася выстава тэматычных падворкаў з самай разнастайнай прадукцыяй ды цудоўнымі маляўнічымі фотаальбомамі – плакатамі. Працавалі выязныя гандлёвыя кропкі. Прыцягальна, з намаляванымі палявымі кветкамі і буйнымі каласамі выглядала і сама святочная сцэна.
Першае слова было прадстаўлена лідару раёна – кіраўніку мясцовай “вертыкалі” Анатолю Шчуплянкову. У віншаванні старшыні райвыканкама прагучала шмат добрых слоў у адрас правафланговых спаборніцтва, а ў іх асобе і ў адрас усіх працаўнікоў прыдруцкага краю. Хаця нявыкарыстаных рэзерваў яшчэ шмат і ўдасканальваць работу, безумоўна, трэба. Бягучы 2015 год — асаблівы. Напомніў Анатоль Леанідавіч аб прадстаячых выбарах Прэзідэнта Рэспублікі Беларусь, аб 70-гадовым юбілеі Вялікай Перамогі. Ёсць магчымасці для прыкладання сілаў і маладым. Гэта і іх год.
У святочнай зале – перадавікі народнай гаспадаркі, члены раённага выканаўчага камітэта, кіраўнікі прадпрыемстваў, устаноў, арганізацый Кругляншчыны, а таксама дэлегацыі суседніх Бялыніцкага, Магілёўскага і Талачынскага раёнаў. У кіраўнікоў гэтых дэлегацый знай-шліся шчырыя, цёплыя словы ў адрас нашых перадавікоў. Пажадалі ў сваю чаргу, каб слава аб дасягненнях круглянцаў толькі шырылася.
Спецыяльнымі прэміямі Круглянскага раённага выканаўчага камітэта “Чалавек года” ушанаваны на гэты раз дырэктар ААТ “Круглянскі аграпрамтэхснаб” Андрэй Сычоў (вытворчая дзейнасць) і начальнік ДУКДБП “Круглянская перасоўная механізаваная калона №266” Мікалай Патрончык (грамадска-палітычная дзейнасць). Людзі яны добра вядомыя. Тым больш, ураджэнцы Кругляншчыны. А гэта накладвае асаблівую патрабавальнасць да іх працы. Абодва шмат год узначальваюць перадавыя калектывы, якія па праву лічацца аднымі з лепшых у абласных ведамасных структурах. І не толькі.
Самая вялікая група ўзнагароджаных (а іх –23 чалавекі) складалася з пераможцаў індывідуальнага працоўнага спаборніцтва па выніках работы за 2014 год з прысваеннем званняў “Лепшы па прафесіі”. Фотаздымкі гэтых людзей будуць таксама занесены на раённую Дошку Гонару.