Апошнія акорды жніва гучаць ужо ў СВК “Друць”. Без усялякага перабольшвання, нягледзячы на даволі складаныя кліматычныя ўмовы, мясцовыя хлебаробы вырасцілі нядрэнны ўраджай збожжавых культур.

Апошнія акорды жніва гучаць ужо ў СВК “Друць”. Без усялякага перабольшвання, нягледзячы на даволі складаныя кліматычныя ўмовы, мясцовыя хлебаробы вырасцілі нядрэнны ўраджай збожжавых культур.
Да канчатковых падлікаў яшчэ ёсць час. Але ўжо сёння зразумела, што паказчык леташняга самага ўраджайнага года тут будзе дасягнуты.
Сёння важна клапаціцца не столькі аб тэмпах, колькі аб якасці ўборкі, каб не згубіць ніводнага вырашчанага каласка. Лёс ўра-джаю зараз у руках камбайнераў, вадзіцеляў, аператараў зернесушыльных комплексаў.
Сёлета, як і ў папярэднія гады, лідараў спаборніцтва актыўна віншуюць са знакавымі працоўнымі дасягненнямі кіраўнікі раённага выканаўчага камітэта, упраўлення сельскай гаспадаркі і харчавання, а таксама прафсаюзнай і маладзёжнай арганізацый. Прычым, планка рэзультатыўнасці для тых жа камбайнавых экіпажаў паднята з 1000 да 1200 тон. Гэта акалічнасць павінна стымуляваць камбайнераў дабівацца найвышэйшай выпрацоўкі.
У “Друці” яшчэ ў сярэдзіне бягучага тыдня такі паказчык пера-крочылі адразу чатыры камбайнавых экіпажы. У сераду, непасрэдна на палетак, дзе працавала камбайнавае звяно з усіх наяўных збожжаўборачных агрэгатаў, прыехалі старшыня райвыканкама Анатоль Шчуплянкоў, яго першы намеснік Дзмітрый Зелянкевіч, старшыня райкама прафсаюзаў работнікаў АПК Мікалай Даміканаў, першы сакратар ГА “БРСМ” Святлана Мацюшэўская, а таксама старшыня СВК “Друць” Сяргей Сазонаў.
Тут яшчэ раз давялося пераканацца, якім надзейным памочнікам з’яўляецца для нас мабільная сувязь. Некалькі кароткіх тэлефонных званкоў – і на ўскрайку поля спыняюцца ў загонках чатыры «стэпавыя караблі». Дарэчы, яшчэ год назад на гэтым дабротным кавалку зямлі размяшчаўся стары непрадуктыўны сад. Праўленне сельгаспрадпрыемства праявіла гаспадарскую ініцыятыву, выкарчаваўшы дрэвы і скарыстаўшы іх як дровы, а зараз тут шуміць збожжавая ніва.
Усе чатыры старшыя камбайнеры – людзі добра вядомыя, заслужаныя. Пра іх прозвішчы пытацца не даводзіцца. Не раз меў магчымасць сустрэцца і з памочнікамі камбайнераў. Ды і як інакш – сёння ўсе яны на перадавой.
Усе восем “Падзяк” падпісаны асабіста старшынёй райвыканкама Анатолем Шчуплянковым. Ён жа іх і ўручыў разам з грашовымі прэміямі.
Сярод узнагароджаных – экіпажы Дзмітрыя Мацюшэўскага і Аляксандра Валентава, Аляксандра Караткевіча і Вадзіма Астроў-скага, Юрыя і Максіма Лугаковых, Генадзя Пячэннікава і Максіма Сазонава.
Іх цёпла віншуюць і іншыя госці з райцэнтра. Да слова, Аляксандр Караткевіч і Вадзім Астроўскі атрымліваюць у дадатак падарункі і ад райкама БРСМ. Яны – мала-дзёжны экіпаж.
Кожнаму з узнагароджаных пашанцавала і яшчэ ў адным – яны будуць у ліку тых удзельнікаў жніва, хто трапіць у дакументальную стужку, што здымаюць спецыялісты з “Магілёў TV”.
А. ПАЎЛАЎ.