Педагагічны калектыў ДУА “Цяцерынскі навучальна-педагагічны комплекс дзіцячы сад – сярэдняя школа” мэтанакіравана працуе над удасканальваннем адукацыйнага працэсу, кіруючыся пэўнымі канцэптуальнымі палажэннямі, падыходамі, ідэямі. Структурным падраздзяленнем метадычнай службы нашай установы адукацыі з’яўляецца творчая група настаўнікаў пачатковых класаў, якая ў 2018/2019 навучальным годзе працавала па тэме “Фарміраванне метапрадметнай кампетэнцыі вучняў на І ступені агульнай сярэдняй адукацыі”. На працягу навучальнага года педагогі – члены творчай групы А.У. Анадзенка, Л.У. Валіцкая, А.І. Добрая, Г.Б. Ляўковіч распрацавалі сістэму кампетэнтнасна арыентаваных заданняў і дыягнастычныя матэрыялы на метапрадметным узроўні па вучэбных прадметах для 4 класа. Прыемна адзначыць, што падрыхтаваныя метадычныя матэрыялы сталі запатрабаванымі не толькі сярод настаўнікаў нашай установы адукацыі. Распрацоўкі творчай групы былі накіраваны для ўдзелу ў VIII Міжнародным інтэрнэт-конкурсе “Сучасныя адукацыйныя тэхналогіі ў творчасці настаўнікаў пачатковых класаў”. Па выніках адбору яны атрымалі станоўчы водгук і апублікаваны на інфармацыйна-метадычным сайце для настаўнікаў пачатковых класаў і бацькоў малодшых школьнікаў.
Безумоўна, работа творчай групы патрабуе намаганняў і часу, але вынік яе дзейнасці здольны пазітыўна ўздзейнічаць на развіццё кампетэнтнасці настаўнікаў і павышэнне якасці адукацыі.
Таццяна Жукоўская,
намеснік дырэктара па вучэбнай рабоце Цяцерынскага НПК.