Празвінеў першы званок

Усяго ў гэтым годзе за парты школ Круглянскага раёна селі 1635 чалавек. Колькасны паказчык застаўся на ўзроўні папярэдняга года – прыраслі толькі на 1 навучэнца.
Лідэрства трымае СШ № 1 г. Круглае – 721 школьнік. У СШ № 2 – 564. Рост у параўнанні з годам папярэднім адпаведна 19 і 14 навучэнцаў.
Ва ўсіх жа сельскіх школах будуць навучацца толькі 350 чалавек (мінус 32). Найбольшы колькасны склад у Цяцерынскай і Комсеніцкай ВВК “школа – дзяцячы сад” – 116 і 100 навучэнцаў адпаведна.
Парадавалі першаклашкі. Па раёне іх – 172. Прырост 27 чалавек. Усе яны, дарэчы атрымалі ў падарунак ад Прэзідэнта Аляксандра Лукашэнкі традыцыйны падарунак – кнігу “Беларусь – наша Радзіма”.

Супрацоўніку нашай рэдакцыі ўдалося пабываць 2 верасня на агульнашкольнай лінейцы ў СШ № 1. Падрабязны рэпартаж чытайце на старонках нашай газеты  №70 за 4.09.2019г.