Кожная пятніца ў нашай дашкольнай установе праходзіць пад знакам роднай мовы.

Добрай традыцыяй стала святкаванне Міжнароднага дня роднай мовы, што адзначаецца 21 лютага.

Да гэтага свята на працягу тыдня ў дзіцячым садзе № 7 праходзілі розныя мерапрыемствы: «Падарожжа ў свет роднай мовы», «Я мову родную люблю», «Сяброўка – родная мова», паказ лялечнага тэатра «Дзедава рукавічка», дыдактычныя гульні «Перакладчык», «Прыродныя сімвалы Беларусі», чытанне народных казак, апавяданняў, вершаў, адгадванне загадак і  правядзенне  беларускіх гульняў, на якіх выхаванцы даведаліся пра гісторыю ўзнікнення свята, значэнне мовы для кожнага народа, пазнаёміліся з вуснай народнай творчасцю, творамі беларускіх пісьменнікаў.

Правядзенне такіх мерапрыемстваў садзейнічае выхаванню ў дзяцей каштоўнасных адносін да багацця беларускай мовы, пачуцця гонару за яе, развіццю эстэтычнага густу, успрыманню меладычнасці, прыгажосці роднай мовы.

Вольга Гаўрыленка, намеснік загадчыка па асноўнай дзейнасці.