Гістарычная памяць… Бадай што гэта адна з найгалоўнейшых каштоўнасцей нацыі, тая аснова, што аб’ядноўвае сям’ю, род і ўвогуле ўвесь народ і краіну.
-Няма будучыні ў народа, які не памятае свайго мінулага!, – гаворыць народная мудрасць. Ад кожнага з нас залежыць, ці зберажом мы сваю гістарычную памяць, ці пакінем ў спадчыну
будучым пакаленням незлічоныя скарбы нацыянальнай культуры. Менавіта гэту задачу мы ставілі, праводзячы раённы конкурс агітбрыгад «Па старонкам гісторыі зямлі Круглянскай».
Наш конкурс — гэта апавяданне аб прыгажосці роднага краю, прызнанне ў любові да знаёмых з маленства мясцін, гэта імкненне пазнаць і захаваць спадчыну нашага народа, гэта яшчэ адзін крок да адраджэння роднай мовы і клопат пра будучыню нашчадкаў.
Каманды з усіх школ раёна падрыхтавалі цікавыя і змястоўныя выступленні, расказалі шмат новага пра свае вёскі і іх знакамітых людзей, пра старажытныя часы і тых гістарычных асоб, чый лёс неразрыўна звязаны з лёсам Кругляншчыны.
Адной з асноўных ідэй ў выступленнях агітбрыгад “Памяць” і “Патрыёты” (ДУА “Сярэдняя школа №1 і №2 г. Круглае”, Комсеничскі НВК) гучала і была добра раскрыта тэма Вялікай Айчыннай вайны. А гэта значыць, што дзеці добра памятаюць і ведаюць гэту старонку у жыцці Беларусі і Круглянскага раёна.
Падчас выступленняў каманд з Філатаўскага і Рубежскага, Кручанскага і Цяцерынскага НВК кожны адчуваў сябе патрыётам сваёй малой Радзімы і разумеў, што ён – часцінка маленькай планеты с такой прыгожай назвай Беларусь.
З кожнага выступлення мы зрабілі адзін вынік, што гістарычная памяць як падмурак для бацькоўскай хаты, як глеба для нашых духоўных каранёў, якая дае надзейную дарогу ў свет.
І калі мы прадоўжым выхоўваць у дзяцей вернасць да роднага краю, яго гісторыі і традыцый, то ў нас і нашай краіны будзе будучыня – светлая, радасная і шчаслівая!

Таццяна Кубека, педагог –арганізатар Круглянскага раённага цэнтра творчасці дзяцей і моладзі “Вясёлка”.