У Магілёўскай вобласці рэалізоўваецца абласны праект «#Мая_Зямля_Прыдняпроўе». Актуальнасць праекта абумоўлена неабходнасцю прасоўвання рэгіёнаў Магілёўскай вобласці, малых і сярэдніх гарадоў як спосабу захавання ўнікальнай сацыякультурнай спадчыны прыдняпроўскага краю і стварэнне станоўчага іміджу Магілёўшчыны на рэспубліканскім і міжнародным узроўнях.
У рамках другога этапа «Раён адчыняе дзверы» абласнога праекта «#Мая_Зямля_Прыдняпроўе» ў нашай дзяржаўнай установе адукацыі «Яслі-сад №3 г. Круглае» праведзена акцыя «Тут Радзімы маёй пачатак»: наведванне «Музейная старонка», зроблены інфармацыйны буклет «Скарбонка падарожніка», зняты чэлендж #«Вуліца майго горада», падрыхтаваны відэарэпартаж і артыкул «Край мой родны, я цябе апяваю».
Мая родная Кругляншчына непаўторная сваімі рэкамі, лясамі, лугамі, сцежкамі. Прыгожыя краявіды, статныя, прывабныя жыхары. Людзі майго горада працавітыя, таленавітыя, добразычлівыя. Умеюць рабіць цудоўныя рэчы, умеюць адпачываць. У святочныя дні спяваюць песні, жартуюць. Цiкава, што ў Беларусi ёсць яшчэ шэсць вёсак з назвай Круглае. Але наша зямля самая яркая, незабыўная, за ўсё даражэйшая.

Наталля Парашкова, выхавальнік дашкольнай адукацыі ДУА “Яслі-сад №3 г. Круглае”.