Чарговае пасяджэнне калегіі Міністэрства інфармацыі Рэспублікі Беларусь на пытанне “Аб дзейнасці рэгіянальных сродкаў масавай інфармацыі па забеспячэнні задач дзяржаўнай інфармацыйнай палітыкі на прыкладзе СМІ Магілёўскай вобласці” прайшло 30 мая ў горадзе Бабруйску. Арганізатарамі выступілі Міністэрства інфармацыі Рэспублікі Беларусь, Магілёўскі абласны і Бабруйскі гарадскі выканаўчыя камітэты.

Бабруйск – другі па колькасці насельніцтва горад у Магілёўскай вобласці і сёмы ў Беларусі. Тут, зразумела, знаходзіцца і вялікая колькасць прамысловых аб’ектаў. Словам, нашаму брату-журналісту ёсць дзе “развярнуцца” – шырокі выбар пра каго пісаць і пра што. Ды і самі мясцовыя журналісты ў пастаянным пошуку. Сёння калектыў рэдакцыі газеты “Бабруйскае жыццё” актыўна рэалізуе ідэю стварэння медыахолдынга, які аб’ядноўвае самую газету, тэлебачанне, партал і FM-радыё-станцыю.
Удзельнікамі мерапрыемства сталі кіраўнікі і прадстаўнікі рэспубліканскіх органаў дзяржаўнага кіравання, галоўныя рэдактары абласной, гарадскіх і раённых газет, рэгіянальных тэлерадыёвяшчальных арганізацый Магілёўскай вобласці.
Плянарнае пасяджэнне прайшло ў кінатэатры “Таварыш”. У яго фае была арганізавана медыя-прэзінтацыя сродкаў массавай інфармацыі г. Бабруйска.
Першым па абмяркоўваемай тэматыцы выступіў міністр інфармацыі Рэспублікі Беларусь Аляксандр Карлюкевіч. Размова з аналізам работы канкрэтных газет вялася не толькі аб тым, як жывуць сродкі массавай інфармацыі сёння, але і аб тым, як ім жыць далей. Бо сучасныя тэхналогіі абганяюць нас. Зноў ішла гаворка і аб сумленнасці і кампетэнтнасці журналістаў.
На 1 мая 2019 г. у Рэспубліцы Беларусь выходзіць 137 дзяржаўных рэгіянальных друкаваных СМІ. У Магілёўскай вобласці іх 27 – 4 абласныя, 2 гарадскія і 21 раённая. “Інфармацыйная прастора Магілёўскай вобласці ў сучасных умовах медыярынка” – такую тэму агучыла начальнік галоўнага упраўлення ідэалагічнай работы і па справах моладзі Магілёўскага аблвыканкама Кацярына Музычэнка.
Слова было прадстаўлена і выконваючаму абавязкі галоўнага рэдактара газеты “Бабруйскае жыццё” Сяргею Кухто.
Практычная частка ўключала ў сябе наведванне рэдакцыі гарадской газеты, мясцовай узбуйненай друкарні імя А. Непагодзіна, акцыянернага таварыства “Чырвоны харчавік”.
Аляксандр ПАЎЛАЎ.