Газета “Сельскае жыццё” – галоўны летапісца прыдруцкага краю. І сёлета ў яе вялікі і даволі значны юбілей. Ёй – 80. У красавіку 1935 года выйшаў у свет першы нумар круглянскай “раёнкі”. Выйшаў пад назвай “Большэвік Кругляншчыны”. Гэта была маленькая чатырохпалоска памерам А-4 (у два разы меней, чым зараз – рэд.).

Газета “Сельскае жыццё” – галоўны летапісца прыдруцкага краю. І сёлета ў яе вялікі і даволі значны юбілей. Ёй – 80. У красавіку 1935 года выйшаў у свет першы нумар круглянскай “раёнкі”. Выйшаў пад назвай “Большэвік Кругляншчыны”. Гэта была маленькая чатырохпалоска памерам А-4 (у два разы меней, чым зараз – рэд.).
…Вайна многае сцёрла з твару. Загінулі не толькі мясцовыя, але і многія нацыянальныя архівы. У свой час мы было патрапілі на след таго першага нумара, але ён аказаўся толькі ў Маскве. З развалам Саюза ССР усё закончылася на стадыі перапіскі. Хаця некалі, яшчэ ў 1970 годзе, супрацоўнікі Усесаюзнай кніжнай палаты даслалі на адрас рэдакцыі паведамленне аб тым, што “першы нумар Круглянскай раённай газеты ад 27 красавіка 1935 года пад назвай “Большэвік Кругляншчыны” – орган Круглянскага РК КП (б) Беларусі і райсавета, маецца толькі ў дзяржаўнай бібліятэцы СССР імя У.І. Леніна».
Непасрэдна ў архіве нашай рэдакцыі ёсць, як самая каштоўная рэліквія, арыгінальны газетны нумар пад лічбай 15 ад 16 чэрвеня 1935 г.
СЁННЯ МЫ ДРУКУЕМ НЕКАЛЬКІ ІНФАРМАЦЫЙНЫХ МАТЭРЫЯЛАЎ З ДАНАЙ ГАЗЕТЫ:

АБ’ЯДНАЛІСЯ Ў КАЛГАС
Распрацаваўшы пастанову ЦВК і СНК СССР аб сельгаспадатку на 1935 год, працоўныя аднаасобнікі вёскі Дудакі Мархлеўскага С-совета аб’ядналіся ў калгас.
Новаму калгасу дадзена назва імя Калініна.
ЛУКАШЭВІЧ.
* * *
ВЫЙГРЫШ У 500 РУБЛЁЎ
Калгаснік калгаса “Ленінскі луч” Загаранкаўскага сельсавета Шпілеўскі Міхась на 50-ці рублёвую аблігацыю пазыкі “2-й пяцігодкі” (выпуск другога года) выйграў 500 рублёў.
Шпілеўскі падпісаўся на новую пазыку на 125 рублёў.
ПАМАЗАНАЎ.
* * *
Выклікаюць цікавасць і іншыя матэрыялы. У прыватнасці, у зводцы аб ходзе падняцця цаліны і праполкі па раёну на 10 чэрвеня 1935 г. знаёмімся ў першую чаргу з незвычайным колькасным складам сельскіх Саветаў. Тады іх было аж трынаццаць:
Загаранскі, Комсеніцкі, Стаінскі, Сіманаўскі, Шапялеўскі, Цяцерынскі, Леснянскі, Скуратаўскі, Н.-Палесскі, Круглянскі, Мархлеўскі, Кручанскі, Паўлаўскі.