АПОШНІ ЗВАНОК ДЗЯЦІНСТВА
31 мая нічым адметным у календары не выдзялялася. Тым не менш, свята на Кругляншчыну прыйшло — свята «Апошняга званка». Асабліва яго чакалі 165 вучняў 11-х класаў. А яшчэ ж у статусе выпускнікоў і 200 вучняў 9-х класаў.
31 мая нічым адметным у календары не выдзялялася. Тым не менш, свята на Кругляншчыну прыйшло — свята «Апошняга званка». Асабліва яго чакалі 165 вучняў 11-х класаў. А яшчэ ж у статусе выпускнікоў і 200 вучняў 9-х класаў. Так, пакінуць у юным узросце школу адважацца не ўсе. Але ж такія абавязкова будуць. Іх таксама чакаюць розныя навучальныя ўстановы.
У аўторак журналісты сталі сведкамі ўнікальнага дзейства ў звычайнай сельскай школе — Рубежскай. Урачыстая лінейка прайшла па добра прадуманаму сцэнарыю і на высокім эмацыянальным узроўні. Павіншаваць выпускнікоў прыйшлі настаўнікі, бацькі вучняў, аднавяскоўцы, іншыя школьнікі.
З прывітальным словам да рабят звярнулася дырэктар школы В.Л. Блінкова. Яна ўручыла таксама граматы, дыпломы і іншыя ўзнагароды лепшым вучням школы — пераможцам і прызёрам рэспубліканскіх, абласных, раённых конкурсаў і алімпіяд. Сярод заўважаных і адзначаных і лепшыя вучаніцы школы выпускнога класа В. Лукманава і М. Мельнічонак.
К слову сказаць, сапраўднымі тэатраламі прадсталі ў той дзень непасрэдна самі адзінаццацікласнікі. Хаця, магчыма, ад тэатральнай наўмыснасці там якраз і мала што было — бо і вершаваныя радкі, і падзячныя словы са слязамі на вачах ішлі ў адрас любімых настаўнікаў і бацькоў ад сэрца і душы.
Завяршылася мерапрыемства апошнім званком і вальсам выпускнікоў. Выпушчаныя з іх рук у неба рознакаляровыя шары паляцелі ў блакітны сусвет. Куды ляцець шарам? — вырашыць вецер. Кім быць сённяшнім выпускнікам? — кожны павінен вырашыць сам.
Тэкст і фота А. ПАЎЛАВА.