ДАРОГІ ПАЧАТАК НА КРУГЛЯНШЧЫНЕ
Ціхі зімовы поўдзень асыпаў іней з дрэў. Прабліснула скрозь бухматыя хмары сонца і асвятліла вуліцы аграгарадка Цяцерына. Заіскрыўся іней на дрэвах. Тут, у аграгарадку, па вуліцы Садовай атрымала жыллё ад сельгаспрадпрыемства
сям’я маладых спецыялістаў — Павел і Наталля Чарняевы.
Ціхі зімовы поўдзень асыпаў іней з дрэў. Прабліснула скрозь бухматыя хмары сонца і асвятліла вуліцы аграгарадка Цяцерына. Заіскрыўся іней на дрэвах. Тут, у аграгарадку, па вуліцы Садовай атрымала жыллё ад сельгаспрадпрыемства
сям’я маладых спецыялістаў — Павел і Наталля Чарняевы.
Зусім нядаўна звязалі яны свае лёсы. Цяпер разам будуюць планы на будучае. А планы гэтыя і надалей будуць звязаны з ЗАТ “АСБ-Агра Цяцерына”. «Бо тут, — сказала Наталля, — ёсць перспектывы для працуючых, і маладым кадрам рады, ахвотна прымаюць іх у свой дружны калектыў».
– Сапраўды, — падтрымаў яе Павел, — тут створаны добрыя ўмовы для працы і жыцця. Вось і мы жыллё адразу атрымалі, такі цёплы ўтульны дом. Жыві, працуй старанна, што яшчэ патрэбна чалавеку.
І Павел, і Наталля Чарняевы добрасумленна выконваюць свае абавязкі. Па словах галоўнага эканаміста сельгаспрадпрыемства Ніны Баландзінай, гэта вельмі адказныя маладыя людзі, у якіх словы ніколі не разыходзяцца са справамі. Павел уліўся ў калектыў каля трох гадоў назад, вярнуўся ў роднае Цяцерына пасля вучобы ў БРУ. Спачатку быў загадчыкам майстэрні, а пазней атрымаў пасаду галоўнага інжынера. Цяпер, па ўсім відаць, ужо добра абаснаваўся ў аграгарадку. І жонку маладую сюды прывёз. Наталля – бухгалтар. У яе работа — з лічбамі. Маладыя спецыялісты заўсёды з добрым настроем ідуць на працу і, калі трэба, не лічацца з уласным часам. Павел на гэты раз нават у абедзенны перапынак не мог затрымацца дома. «Вось, толькі што вярнуліся з Шапялевіч, — патлумачыў ён, — цяпер на мехдвор зазірнуць трэба, праверыць, як ідзе рамонт тэхнікі».
Сярод абавязкаў галоўнага інжынера — кантроль за работай механізатараў, ходам падрыхтоўкі тэхнікі да веснавой пасяўной. У сельскай гаспадарцы і зімой работы хапае.
Наталля таксама іншы раз дапазна заседжваецца за камп’ютарам, каб зрабіць справаздачы, якіх у яе большасць па раслінаводчай галіне.
–Мне вельмі падабаецца жыць тут, у аграгарадку, — кажа яна, — яшчэ паўгода не мінула, а адчуванне такое, быццам шмат гадоў жыву тут. Людзей ужо ведаю, калектыў у нас дружны. Я ж і расла таксама на круглянскай зямлі. Бацькі мае жывуць і працуюць у Круглым. Закончыўшы школу, паступіла ў Мсціслаўскі будаўнічы каледж, па размеркаванню паехала працаваць у СВК “Галавенчыцы” Чавускага раёна. А пасля адбылася знакавая сустрэча з Паўлам. Пазнаё-міліся, як і многія, на дыскатэцы. Вось так аграгарадок Цяцерына стаў маім лёсам. У нас тут ёсць перспектывы, бу-дзем старацца працаваць, дастойна ісці разам па жыцці, — кажа Наталля. Гэтак жа лічыць і Павел.
С. ВАРАПАЕВА.