І СЛОВА ВАЯВАЛА
Вялікая Айчынная вайна насіла характар агульнанароднай вызваленчай барацьбы. За тое, каб вычысціць ворага з нашай зямлі, змагаліся ўсе. Нават у час варожай акупацыі не было спакою ворагам і на Кругляншчыне. Тут актыўна дзейнічалі падпольныя групы. Шырокі размах набыў і партызанскі рух.
Але ваявалі не толькі вінтоўкамі ды аўтаматамі. У той час грознай зброяй з’яўлялася і слова. Гэта вельмі важна было ва ўмовах інфармацыйнай блакады, калі не выходзілі газеты, не гучала радыё (апрача паклёпніцкіх нямецкіх – рэд.), — данесці праўдзівае слова да насельніцтва, заклікаць на барацьбу з ворагам, падтрымаць мужных патрыётаў.
Мала каму вядома, але ў тыя суровыя гады выходзіла ў свет і Круглянская раённая газета пад назвай “Партизанский путь”.
Вялікая Айчынная вайна насіла характар агульнанароднай вызваленчай барацьбы. За тое, каб вычысціць ворага з нашай зямлі, змагаліся ўсе. Нават у час варожай акупацыі не было спакою ворагам і на Кругляншчыне. Тут актыўна дзейнічалі падпольныя групы. Шырокі размах набыў і партызанскі рух.
Але ваявалі не толькі вінтоўкамі ды аўтаматамі. У той час грознай зброяй з’яўлялася і слова. Гэта вельмі важна было ва ўмовах інфармацыйнай блакады, калі не выходзілі газеты, не гучала радыё (апрача паклёпніцкіх нямецкіх – рэд.), — данесці праўдзівае слова да насельніцтва, заклікаць на барацьбу з ворагам, падтрымаць мужных патрыётаў.
Мала каму вядома, але ў тыя суровыя гады выходзіла ў свет і Круглянская раённая газета пад назвай “Партизанский путь”.
Выходзіла як орган раённага падпольнага РК КП(б)Б. Над лагатыпам зверху стаялі ўсім зразумелыя плакатныя словы – “Смерть немецким захватчикам!” і “Прочитав, передай другому”.
У рэдакцыйным архіве газеты “Сельскае жыццё” захаваўся адзін нумар “Партизанского пути” за 11 мая 1944 года, які перадалі журналістам у свой час партызаны 24 маладзёжнага атрада брыгады “Сяргея”. На маленькім аркушы, накшталт лістоўкі, з двух бакоў друкуюцца аператыўная зводка “От Советского информбюро”, дзе паведамляецца аб тым, што Чырвоная Армія вызваліла горад Севастопаль, а таксама “Приказ Верховного Главнокомандующего”, прысвечаны Міжнароднаму дню салідарнасці працоўных – 1 Мая