КАЛЯДА, АХ, КАЛЯДА!
Каляды – адно з самых містычных святаў у старажытных славян. Яно менш звязана з сельскагаспадарчым цыклам, а больш з будовай і рухам сусвету. Гэта свята вясёлае. Асабліва святочны настрой стварала, мабыць, і тое, што да пачатку работ у полі – самы цяжкі час для нашых продкаў – яшчэ далёка. Нават больш – на Каляды нельга было рабіць ніякую працу, ані ткаць, прасці, рыхтаваць дровы… Можна было толькі весяліцца, каб падтрымаць сілы святла сваім добрым настроем ды радасцю.
Каляды – адно з самых містычных святаў у старажытных славян. Яно менш звязана з сельскагаспадарчым цыклам, а больш з будовай і рухам сусвету. Гэта свята вясёлае. Асабліва святочны настрой стварала, мабыць, і тое, што да пачатку работ у полі – самы цяжкі час для нашых продкаў – яшчэ далёка. Нават больш – на Каляды нельга было рабіць ніякую працу, ані ткаць, прасці, рыхтаваць дровы… Можна было толькі весяліцца, каб падтрымаць сілы святла сваім добрым настроем ды радасцю.
Святочную праграму на пляцоўцы каля гандлёва-гасцінічнага комплексу “Ізумруд” ладзілі ўдзельнікі мастацкай самадзейнасці раённага Дома культуры. Перад гледачамі выступалі вядомыя на Кругляншчыне народныя калектывы – ансамблі “Вераснянка” і “Крынічанька”, асобныя салісты РДК.
Вядома, арганізатары свята прытрымліваліся пры яго правядзенні народных традыцый. Бо былі тут і калядоўшчыкі з традыцыйнымі персанажамі – Гаспадар з Гаспадыняй, Скамарохі з Казой… Дарэчы, менавіта з Казой, як сімвалам надышоўшага года, жадалі сфатаграфавацца многія з прысутных на плошчы, і яна адчувала сябе сапраўд-най уладаркай свята.
Традыцыйнай на падобных мерапрыемствах у Круглым стала ўжо і арганізацыя займальных конкурсаў і гульняў. На гэты раз арганізатарамі каляднага дзейства была прапанавана для прысутных бяспройгрышная латарэя. А вось аматары хакею маглі скрыжаваць клюшкі на лядовай пляцоўцы.
Безумоўна, не абышлося свята без калядных гасцінцаў, якія шчодра прапаноўвалі ўдзельнікі выязнога гандлю. Асабліва многалюдна было каля прылаўка з печывам, шашлыкамі і гарачымі напоямі. Што ні кажы, а надвор’е ў той дзень стаяла па-сапраўднаму каляднае – сцюдзёнае, марознае. Па народнай прыкмеце – гэта да добрага ўраджаю. Прынамсі, да чаго імкнецца кожны сельскі працаўнік. “Шчасця, дабра, вялікага ўраджаю!” – жадалі калядоўшчыкі Гаспадару з Гаспадыняй, усім прысутным. Хай жа так і будзе!
Л. МОШУЛЬ.