КРУГЛЯНШЧЫНА СВЯТКАВАЛА «ДАЖЫНКІ»
У мінулую суботу аграгарадок Елькаўшчына ўрачыста сустракаў жыхароў і гасцей круглянскага краю на раённым свяце-кірмашы “Дажынкі -2014”.
У мінулую суботу аграгарадок Елькаўшчына ўрачыста сустракаў жыхароў і гасцей круглянскага краю на раённым свяце-кірмашы “Дажынкі -2014”.
Уздоўж дарогі, што вяла да святочнай сцэны, рознакаляровай шарэнгай размясціліся тэматычныя пляцоўкі, сельскагаспадарчыя падворкі, сувенірныя і гандлёвыя кропкі. Шмат чаго цікавага і карыснага можна было ўбачыць і набыць там. Упрыгожвалі свята вялізныя арыгінальныя кампазіцыі з рулонаў саломы (напрыклад, у выглядзе паравоза з надпісам «На «Дажынкі» ці шматпавярховага караваю, нават вышэйшага за ўсе бліжэйшыя будынкі). Прыцягваў увагу руплівы гаспадар палёў – камбайн, на якім горда зіхацеў надпіс:
“Лепшы экіпаж жніва-2014”. Арганізатары мерапрыемства ўпрыгожылі машыну рознакаляровымі шарамі і
кветкамі. Але ў цэнтры ўвагі, безумоўна, былі людзі,
якія сваёй самаадданай працай штогод праслаўляюць
нашу круглянскую зямлю.
Пад апладысменты яны ў калонах сваіх гаспадарак на чале з кіраўнікамі прайшлі на святочную пляцоўку, дзе ў іх гонар гучала мноства ўдзячных слоў, шчырых і добрых песень, закружыў карагод харэаграфічных кампазіцый у выкананні лепшых салістаў і творчых калектываў Кругляншчыны. Першымі ў калоне перадавікоў ішлі працаўнікі ЗАТ “АСБ-Агра Цяцерына”, дасягнуўшыя лепшага паказчыка ўраджайнасці сярод сельгаспрадпрыемстваў раёна і трэцяга – сярод гаспадарак вобласці – 72 цэнтнеры з гектара. Адразу за імі — хлебаробы СВК “Іскра”, якія завяршылі жніво першымі ў раёне з ураджайнасцю 58,1 цэнтнера, потым – героі жніва з ЧСУП “Круглянскі- Агра” (ўраджайнасць – 56,6 цэнтнера), СВК “Круглянскі Рассвет”(56,4), “Друць”(54,1) і “Комсенічы” (45,9). Замыкалі шэсце хлебаробы КСУП “Някрасава-Агра”.
Па традыцыі на пачатковым этапе мерапрыемства апошні дажыначны сноп ўраджаю 2014 года з гонарам і задавальненнем прымаў кіраўнік раёна Анатоль Шчуплянкоў.