ПРАЦАВАЦЬ НА ЗАЎТРАШНІ ДЗЕНЬ
У панядзелак на некалькі гадзін Кругляншчына «прырасла» больш чым сямю дзесяткамі чалавек. А завіталі да нас старшыні ўсіх райвыканкамаў вобласці, начальнікі райсельгасхарчаў, іх намеснікі па механізацыі, спецыялісты абласных службаў, кіраўнікі рамонтных арганізацый, каб абмеркаваць два вельмі надзённыя пытанні: арганізацыя рамонту сельскагаспадарчай тэхнікі да палявых работ 2015 года і арганізацыя тэхнічнага абслугоўвання даільных залаў малочнатаварных ферм.
У панядзелак на некалькі гадзін Кругляншчына «прырасла» больш чым сямю дзесяткамі чалавек. А завіталі да нас старшыні ўсіх райвыканкамаў вобласці, начальнікі райсельгасхарчаў, іх намеснікі па механізацыі, спецыялісты абласных службаў, кіраўнікі рамонтных арганізацый, каб абмеркаваць два вельмі надзённыя пытанні: арганізацыя рамонту сельскагаспадарчай тэхнікі да палявых работ 2015 года і арганізацыя тэхнічнага абслугоўвання даільных залаў малочнатаварных ферм.
Паколькі падобныя семінары ў апошнія гады праводзіліся ў нас даволі часта, то Кругляншчына для пераважнай большасці запрошаных — край добра знаёмы. Само сабой зразумела, дэталёвую інфармацыю аб раёне, яго магчымасцях і патэнцыяле, кіруючых кадрах, працоўных калектывах маюць і прыбыўшыя на семінар памочнік Прэзідэнта, галоўны інспектар па Магілёўскай вобласці Генадзь Лаўранкоў і першы намеснік старшыні аблвыканкама, старшыня камітэта па сельскай гаспадарцы і харчаванню Алег Чы-кіда. А вось для новага старшыні Магілёўскага аблвыканкама Уладзіміра Даманеўскага падобны візіт стаў першым. У нейкай ступені гэта нават ганарова, што знаёмства са справамі аграрыяў прыдняпроўскага краю ён пачаў менавіта на Кругляншчыне.
Увогуле часу на падрыхтоўку (звычайна такое маштабнае мерапрыемства рыхтуецца некалькі дзён – рэд.) да семінару ў нас не было. Інфармацыя па тэлефоне аб месцы і часе паступіла ў той жа дзень каля 8 гадзін раніцы. Значыць, арганізатары нарады ведалі, што Круглянскі раён не працуе на паказушнасць і парадак у нас і на машынных дварах, і на жывёлагадоўчых фермах падтрымліваецца заўсёды. Так, зразумела, калі б загадзя рыхтаваліся да сустрэчы высокіх гасцей, то дзесьці штосьці абавязкова б падмарафецілі (як тое бывае ў любой сям’і, калі некага чакаюць). Але і так усё прайшло дастойна.
А пабывалі ўдзельнікі семінара ў час яго практычнай часткі на машынным двары і на малочнатаварным комплексе СВК “Круглянскі Рассвет”. Вёў семінар першы намеснік старшыні аблвыканкама Алег Чыкіда, які патлумачыў асобую актуальнасць абмяркоўваемых тэм. Што, па яго словах, можа быць важней падрыхтоўкі ў гэтыя зімовыя дні сель-скагаспадарчай тэхнікі да прадстаячай пасяўной. А час праляціць хутка. Для нашага рэгіёна ў параўнанні з паўднёвымі абласцямі палявыя работы скарачаюцца да мінімуму. Уся надзея на спраўную тэхніку. А самі механізатары на падвядуць. К слову, сёння ёсць магчымасць падвучыць іх яшчэ большаму прафесіяналізму на самых розных курсах. Адным словам, надзейная тэхніка і кваліфікаваныя кадры павінны стаць гарантамі правядзення палявых работ у сціслыя тэрміны і на высокім агратэхнічным узроўні. Сёння ж найпершая задача — ужо да 1 лютага паставіць тэхніку на лінейку гатоўнасці.
Што датычыць другога пытання, то ў галіне жывёлагадоўлі, якая ў апошнія гады прырасла самымі сучаснымі фермамі, вельмі актуальнай становіцца праблема гаспадарскіх адносін да даільных залаў, іх кваліфікаванае тэхналагічнае абслугоўванне. І тут прыйшоў час гаварыць не толькі пра даступнасць дылерскіх цэнтраў, іх аператыўнасць, але і пра мясцовых спецыялістаў. Пра тых, якія павінны здымаць бягучыя праблемы менавіта штодня. Іх трэба шукаць з ліку самых адказных лю-дзей і вучыць, вучыць… Без высокакваліфікаваных кадраў мы не зможам больш поўна і эфектыўна выкарыстоўваць генетычны патэнцыял дойнага статку, а ў рэшце рэшт і дынамічна нарошчваць вытворчасць і рэалізацыю малочнай прадукцыі. А ў Беларусі, нікому не сакрэт, малако – прадукцыя стратэгічная.
Вопытам работы свайго сельгаспрадпрыемства падзяліўся перад удзельнікамі абласнога семінара старшыня СВК “Круглянскі Рассвет” Аркадзь Сімчанка. У аднаго з самых вопытных кіраўнікоў-аграрыяў ёсць чаму павучыцца. Многае высокія госці ўбачылі самі. Машынны двор, хаця і не мае нейкіх сучасных памяшканняў, утрымліваецца ў вельмі добрым стане. Ён абгароджаны, ёсць на-дзейныя вароты, працуе ахова. Уражваюць роўненькія, як пад лінейку, рады дагледжанай тэхнікі.
Размова па абмяркоўваемых тэмах была прадоўжана на плянарным пасяджэнні непасрэдна ў Круглянскім райвыканкаме. Тут да абмеркавання актыўна падключыліся губернатар вобласці Уладзімір Даманеўскі і памочнік Прэзідэнта, галоўны інспектар па Магілёўскай вобласці Генадзь Лаўранкоў.
Са справаздачай аб выніках сацыяльна-эканамічнага развіцця ў 2014 годзе і задачах, намечаных у раёне на год сёлетні, выступіў старшыня Круглянскага райвыканкама Анатоль Шчуплянкоў.
Як было адзначана, аграпрамысломы комплекс з’яўляецца асноўнай галіной эканомікі раёна. У 2014 годзе намалочана 65,2 тысячы тон зерневых і зернебабовых культур (без кукурузы). З кожнага гектара сабраны 51 цэнтнер зерня. (Гэта лепшыя паказчыкі за ўсю гісторыю раёна-рэд.). Сельскагаспадарчымі арганізацыямі павялічаны таксама збор рапсу да адпаведнага перыяду 2013 года на 34 працэнты.
У раёне забяспечаны рост вытворчасці жывёлагадоўчай прадукцыі, дасягнута павелічэнне колькасці пагалоўя кароў, узрасла прадуктыўнасць дойнага статка. За 2014 год сельскагаспадарчымі арганізацыямі раёна будзе рэалізавана 31,4 тоны малака, што на 9 % больш мінулагодняга. Таварнасць малака павялічана на 2 працэнтных пункты і скла-дзе 91,2 працэнта ад вытворчасці.
Чакаемыя вынікі па вытворчасці прадукцыі раслінаводства і жывёлагадоўлі дазволяць забяспечыць тэмп росту валавай прадукцыі сельскай гаспадаркі на ўзроўні 102,8 працэнта.
2014 год, бясспрэчна, для нас у многім быў выніковым. Круглянскі раён у апошнія гады актыўна набірае абароты – гэта падкрэсліў ад імя калегаў і кіраўнік суседняга Шклоўскага раёна Аляксандр Бойка.
Але ад зробленага трэба ісці далей. Гэта разумеем і мы самі. На гэта ўказаў і губернатар Уладзімір Даманеўскі. Зразумела, агучаныя пралікі характэрныя і для пераважнай большасці іншых рэгіёнаў вобласці. Застаецца адно — шукаць незадзейнічаныя рэзервы.
Дарэчы, як падкрэсліў губернатар, цяпер падобныя дэталёвыя справаздачы перад кіраўнікамі вобласці будуць праходзіць ва ўсіх раёнах.
А. ПАЎЛАЎ.