СКАРБЫ РОДНАГА СЛОВА
У наш час вельмі актуальнай з’яўляецца праблема адсутнасці ў дзяцей цягі да чытання беларускай кнігі. Усё часцей перавагу аддаюць замест чытання інтэрнэту, тэлевізару ці камп’ютарным гульням.
У наш час вельмі актуальнай з’яўляецца праблема адсутнасці ў дзяцей цягі да чытання беларускай кнігі. Усё часцей перавагу аддаюць замест чытання інтэрнэту, тэлевізару ці камп’ютарным гульням.
Чытанне беларускай кнігі – крыніца нацыянальнай пісьменнасці. Чым больш чалавек чытае, тым прыгажэйшая яго пісьмовая і вусная мова. У нашы дні ўсё менш дзяцей заходзяць у бібліятэкі, кнігарні, усё больш чытаюць неабходныя па школьнай праграме творы ў кароткім змесце ў інтэрнэце, а то і зусім не чытаюць.
Негатыўным фактарам з’яўляецца таксама страта традыцый сямейнага чытання. Сумеснае чытанне кнігі, абмеркаванне бацькамі і дзецьмі прачытанага збліжае членаў сям’і, аб’ядноўвае іх духоўна. Тым часам, на сучасным этапе развіцця грамадства ў большасці сем’яў беларуская кніга перастае быць тэмай для гутаркі, знікаюць хатнія бібліятэкі. Такое становішча вельмі негатыўна адбіваецца на духоўным клімаце сям’і і не спрыяе фарміраванню асобы дзіцяці. Нечытаючыя бацькі выхоўваюць нечытаючых дзяцей. Такім чынам, на сённяшні дзень адраджэнне, далейшае развіццё і вывядзенне на новы ўзровень традыцый чытання беларускай кнігі з’яўляецца адной з найважнейх задач соцыума.
Грамадству, якое жадае выкарыстоўваць найноўшыя дасягненні чалавечай думкі, трэба, каб думаючых людзей было як мага больш. Дасягнуць эфектыўных вынікаў у кіраўніцтве дзіцячым чытаннем магчыма толькі ў цесным супрацоўніцтве школы, сям’і і бібліятэкі.
Век новых тэхналогій патрабуе большай гібкасці ад карыстальнікаў інфармацыі – візуальная пісьменнасць, роўна як і навыкі кіравання электронікай, патрабуюць і большага развіцця традыцыйных навыкаў пісьменнасці. Акрамя таго, кнігі застаюцца і застануцца не толькі крыніцай інфармацыі, а і прадметамі жыццёвай важнасці для дзяцей ва ўсіх аспектах, таму што яны забяспечваюць іх эмацыянальнай, інтэлектуальнай і сацыяльнай падтрымкай.
Неабходна даць магчымасць дзецям усімі шляхамі развіваць сваё чытанне і дапамагчы сфарміраваць любоў да беларускіх кніг. Бо гэта – першая прыступка да пісьменнасці і навучання на працягу ўсяго жыцця. Гэта адначасова і спецыфічная форма зносін дзіцяці з аўтарам твора і светам яго ідэй. Гэта, нарэшце, своеасаблівы маналог дзіцяці, у якім ён разважае над маральным зместам твора, вучыцца выяўляць і выказваюць яго ідэю.
У пачатку 2014 года дзіцячая бібліятэка распрацавала аўтарскую праграму “Чытаем беларускую кнігу”. Дадзеная праграма праду-гледжвае далучэнне школьнікаў да чытання беларускай літаратуры за кошт фарміравання новага іміджу чытання, бо ў вачах шматлікіх дзяцей чытаючы чалавек зусім не вы-глядае адукаваным, выхаваным і развітым. Ёсць тыя, хто думае, што калі яны чытаюць шмат кніг, то стануць мудрагелістымі і нікому не цікавымі асобамі. Наша задача — даказаць, што чытаць беларускаю кнігу — прэстыжна.
Работнікі дзіцячай бібліятэкі плануць на працягу года правесці наступныя мерапрыемствы ў гэтым напрамку: час паэзіі “Паэзія барацьбы і Перамогі” (да 100-годдзя з дня нараджэння А.Куляшова), мазгавы штурм “Скарбы роднага краю”, падарожжа па кнізе “Таямнічая планета Уладзіміра Мазго”, бліц-турнір “Прыказкі і прымаўкі”, гістарычны ўрок-дасье “Пачатак беларускага кнігадрукавання” (да Дня беларускай пісьменнасці), брэйн-рынг “Знаўцы беларускай мовы”. Таксама на працягу года будуць афармляцца розныя бібліятэчныя выставы: выстава-сюрпрыз “Казкі з дарожнага чамаданчыка”, выстава-знаёмства “Паэзіі радок чароўны”, “Кнігі знаёмяць”, выстава-калейдаскоп “З любоўю да роднага слова”.
В. ЦАЛАВАЛЬНІК,
загадчыца дзіцячай
бібліятэкі.