Творчасць – гэта бясцэнны рэсурс нашай дзяржавы, які неабходна берагчы, прымнажаць і развіваць. І нават у наш імклівы век развіцця інфармацыйных тэхналогій народная творчасць застаецца актуальнай.

Творчасць – гэта бясцэнны рэсурс нашай дзяржавы, які неабходна берагчы, прымнажаць і развіваць. І нават у наш імклівы век развіцця інфармацыйных тэхналогій народная творчасць застаецца актуальнай. Красамоўнае пацвярджэнне таму — раённы фестываль народнай творчасці “Мая Кругляншчына”, які праходзіць на круглянскай зямлі ўжо ў 13-ы раз і зараз падыйшоў да свайго завяршэння. Зга-дзіцеся, такая “даўгавечнасць” фестывалю гаворыць сама за сябе: аматарская народная творчасць на Кругляншчыне не згасае, а наадварот – працягвае жыць і развівацца. Нездарма сцвярджаюць, што жыццё і музыка – нераздзельныя. Спявае душа народная і гэтыя чуллівыя мелодыі закранаюць самыя патаемныя струны людскіх сэрцаў.
Раённы фестываль “Мая Кругляншчына” сёлета стартаваў у маі месяцы. У першым яго этапе прымалі ўдзел арганізацыі, прадпрыемствы і ўстановы г.п. Круглае. А ў кастрычніку-лістападзе эстафету прадоўжылі сельскагаспадарчыя вытворчыя кааператывы раёна. Свае праграмы яны, у прыватнасці, прадставілі ў выглядзе творчых справаздач, якія ўключалі ў сябе відэасюжэты аб мілым сэрцы куточку – роднай вёсцы, аб яе лепшых людзях, аб перадавіках сельскагаспадарчай вытворчасці. У іх падрыхтоўцы асабліва актыўны ўдзел прымалі супрацоўнікі Філатаўскага СДК і Радчанскага СЦК. І наогул у кожнай установе культуры, дзе праходзілі фестывальныя мерапрыемствы, былі арганізаваны выставы творчых работ мясцовых самадзейных майстроў дэкаратыўна-прыкладнога мастацтва. Найбольш цікава і разнастайна такія выставы былі прадстаўлены ў Філатаўскім і Комсеніцкім СДК, Радчанскім і Цяцерынскім СЦК (дырэктары адпаведна Т. Баяр-ская, А. Кузьміна, Л. Паўлава і Ж. Якутава).
Але, вядома ж, самымі яркімі і відовішчнымі шоу заўсёды становяцца канцэртныя выступленні. Вельмі парадавалі гледачоў каларытнымі выступленнямі вакальныя ансамблі “Мілавіца” (Філатаўскі СДК), “Беларусачка” (Цяцерынскі СЦК), “Черемушки” (Радчанскі СЦК), народны сама-дзейны калектыў “Калінушка” (Комсеніцкі СДК), а таксама вакальны ансамбль Запрудскага СДК. Жанчыны ў яркіх нацыянальных касцюмах стваралі непаўторныя кампазіцыі фальклорных абрадаў і святаў, краналі сэрцы лірычнасцю і цеплынёй мелодый.
Па-свойму цікавымі былі выступленні дзіцячых творчых калектываў, у тым ліку: вакальнага трыо “Веселушки” Комсеніцкага СДК, што ўпрыгожылі свой нумар музычнымі інструментамі: скрыпкай, бубнам і лыжкамі, харэаграфічнага калектыву з Цяцерына, які выканаў вясёлы танец “Барбарики”, ансамбля “Капельки” Радчанскага СЦК.
Арыгінальным нумарам канцэрт-най праграмы я б назвала выступленне “дуэтам” дэкламатараў Ніны і Сяргея Асіпёнак з Елькаўшчын-скага сельскага клуба, што прадставілі на суд журы і вяскоўцаў верш Качаткова “Балада аб пракураным вагоне”. Зацікавіла прысутных і дэманстрацыя мадэляў, якую прадставілі навучэнцы Валканосаўскай сярэдняй школы, прычым, усё гэта адзенне і аксэсуары да яго былі зроблены з падручных і прыродных матэрыялаў рукамі саміх жа рабят.
Асобна трэба адзначыць праграму, прадстаўленую ў Комсеніцкім сельскім Доме культуры, якая праходзіла ў форме “Творчага кафэ”. Гледачоў ля ўваходу сустракалі хлебам-соллю гасцінныя Гаспадар з Гаспадыняй у нацыянальнай вопратцы, ласкава запрашалі за накрытыя і ўпрыгожаныя кветкавымі асеннімі кампазіцыямі столікі. Такім чынам уся канцэртная праграма тут напамінала вясковыя вячоркі. Парадаваў сваімі выступленнямі і творчы калектыў Запрудскага сельскага Дома культуры. Мясцовыя таленты тут з’ядналі маладыя, энергічныя і перспектыўныя культработнікі муж і жонка Арцём і Юлія Капытавы. У цікавай і змястоўнай канцэртнай праграме “Мілая сэрцу глыбінка” прымалі ўдзел спецыялісты СПК “Іскра”, сельскія настаўнікі і маладыя мамы са сваімі дзеткамі.
Дарыла людзям радасць вялікая “армія” салістаў, сярод якіх – не толькі работнікі творчых прафесій, а і простыя вясковыя працаўнікі, звязаўшыя свой лёс з полем і фермай. Шчыра і душэўна спявалі, у прыватнасці, Святлана Каўшыненка і Уладзімір Каваленка (Філатаўскі СДК), Галіна Кануценка (Комсеніцкі СДК), Жана Якутава і Раіса Раманёк (Цяцерынскі СЦК), Людміла Цалавальнік, Алена Заранкіна з Радчанскага СЦК. Дарэчы, побач з Любоўю Паўлавай – дырэктарам гэтага сельскага цэнтра культуры, спяваюць і астатнія члены яе сям’і – муж Іван і дачка Ганна, для ўсіх іх песня стала сапраўдным захапленнем.
Фестваль зноў паказаў, што круглянская зямля багатая на яркія, самабытныя таленты. І ўсе прайшоўшыя творчыя справа-здачы маюць высокі мастацкі і выканаўчы ўзровень, што знаходзіць станоўчы водгук сярод насельніцтва раёна. Раённы фестываль “Мая Кругляншчына” сапраўды садзейнічае раскрыццю талентаў і росту творчых здольнасцяў, нацэлены на тое, каб культура на Кругляншчыне набывала масавы характар.
Застаецца дадаць, што за-ключныя мерапрыемствы гэтага раённага творчага форуму, у тым ліку і гала-канцэрт яго пераможцаў адбудуцца ўжо ў наступным месяцы. Да новых сустрэч, Кругляншчына фестывальная, хай бясконцай будзе крыніца творчасці і натхнення тваіх людзей.
Л. МОШУЛЬ.