Трактары – у растэрміноўку
Гэтымі днямі, як паведаміў рэдакцыі першы намеснік начальніка ўпраўлення сельскай гаспадаркі і харчавання райвыканкама Віталь Ласянкоў, машынна-трактарны парк нашых сельскагаспадарчых прадпрыемстваў значна папоўн
Гэтымі днямі, як паведаміў рэдакцыі першы намеснік начальніка ўпраўлення сельскай гаспадаркі і харчавання райвыканкама Віталь Ласянкоў, машынна-трактарны парк нашых сельскагаспадарчых прадпрыемстваў значна папоўніцца тэхнікай вытворчасці Мінскага трактарнага завода. Усяго ў раён паступіць 26 трактараў розных мадыфікацый. Па дамоўленасці з прадпрыемствам гаспадаркі за атрыманую тэхніку будуць разлічвацца не адразу, а паступова, так бы мовіць, яна рэалізоўваецца ў растэрміноўку. Умовы наступныя: да 1 лістапада сельгаспрадпрыемствы, у якія паступіць тэхніка з МТЗ, павінны ўнесці 25 працэнтаў кошту за кожную адзінку. Астатняя сума роўнымі часткамі будзе выплочвацца на працягу некалькіх гадоў.
Партыя з шасці машын вытворчасці МТЗ паступіла ўжо ў раён. Энерганасычаны Беларус-3022 папоўніў трактарны парк ЧСУП “Круглянскі-Агра”. Дзве машыны Беларус-10215 атрымала ЗАТ “АСБ-Агра Цяцерына”. А вось на машынным двары СВК “Друць” падсуседзіліся да іншай тэхнікі адразу тры трактары МТЗ-82, якія сыйшлі з заводскага канвеера ў 2014 годзе.
–Рашэнне набыць менавіта такую тэхніку, — гаворыць кіраўнік сельгаспрадпрыемства Сяргей Сазонаў, — прынялі, зыходзячы з таго, што яна надзейная і вынослівая, не патрабуе складанага і дарагога догляду.
Пасля выплаты першапачатковага ўзносу гаспадарка будзе разлічвацца за трактары з прадпрыемствам-вытворцам роўнымі часткамі на працягу двух наступных гадоў, што задавольвае абодва бакі.
Дарэчы, новыя трактары не стаяць на прыколе на машынным двары, два з іх ужо “запрэжаны” у работу: адзін МТЗ-82 задзейнічаны на ўнясенні мінеральных угнаенняў, другі агрэгатуецца з кормараздатчыкам. Не сёння-заўтра пачне працоўную “біяграфію” на палетках сельгаспрадпрыемства і трэці “навічок”.
М. ІВАНОЎ.