ВЫБРАНЫ КІРУЮЧЫЯ ОРГАНЫ РАЙСАВЕТА
12 мая ў Круглым адбылася першая арганізацыйная сесія раённага Савета дэпутатаў ХХVІ склікання. На яе прыбылі і зарэгістраваліся 27 з 30 дэпутатаў, выбраных 25 красавіка 2010 года.
12 мая ў Круглым адбылася першая арганізацыйная сесія раённага Савета дэпутатаў ХХVІ склікання. На яе прыбылі і зарэгістраваліся 27 з 30 дэпутатаў, выбраных 25 красавіка 2010 года. Трое дэпутатаў адсутнічалі па ўважлівых прычынах.
Згодна з заканадаўствам, адкрыў і вёў сесію на першым яе этапе старшыня раённай выбарчай камісіі І.П. Саплюкоў. У рабоце сесіі прынялі ўдзел старшыня Магілёўскага абласнога Савета дэпутатаў У.І. Панцюхоў, першы намеснік старшыні Круглян-скага раённага выканаўчага камітэта А.М. Бутараў, члены райвыканкама.
Дэпутаты зацвярджаюць павестку дня сесіі, склад камісіі па мандатах, дэпутацкай этыцы, мясцоваму кіраванню і самакіраванню, законнасці і правапарадку. Агульным галасаваннем старшынёй данай камісіі выбіраецца дэпутат М.С. Арсоба.
Аб’яўлены невялікі перапынак, у час якога члены мандатнай камісіі правяраюць неабходныя дакументы, а затым прадстаўляюць на зацвяр-джэнне паўнамоцтвы ўсіх 30 народных выбраннікаў. Адпаведнае рашэнне прымаецца адзінагалосна.
Далей дэпутаты пераходзяць да разгляду асноўнага пытання арганізацыйнай сесіі – “Аб старшыні раённага Савета дэпутатаў”. Па прапанове членаў рабочай групы з ліку дэпутатаў і старшыні обласнога Савета дэпутатаў У.І. Панцюхова ў спіс для тайнага галасавання ўносіцца кандыдатура В.І. Ерковіча – дэпутата ад Усходняй выбарчай акругі № 17.
Іншыя кандыдатуры не прапаноў-валіся.
Тайным галасаваннем пераважнай большасцю галасоў старшынёй Круглянскага раённага Савета дэпутатаў выбіраецца Валерый Іванавіч Ерковіч. Да гэтага ён працаваў старшынёй Круглянскага сельскага Савета дэпутатаў.
Далей сесію райсавета вядзе непасрэдна В.І. Ерковіч. Намеснікам старшыні райсавета ў выніку ад-крытага галасавання выбраны Аляксандр Міхайлавіч Бялянкін – дырэктар СШ №1 г.п. Круглае. Гэтыя новыя для сябе абавязкі ён будзе выконваць на грамадскіх пачатках.
Сесія зацвердзіла склад яшчэ трох (у дабавак да ўжо выбраных) пастаянных камісій – па 7 чалавек. Старшынямі гэтых дэпутацкіх фарміраванняў выбраны: А.В. Станкевіч – камісіі па эканоміцы, бюджэту, фінансах, падаткаабкладанню і камунальнай уласнасці; М.А. Рэдкі – камісіі па аграрных пытаннях, экалогіі і прыродакарыстанню; У.А. Аляхновіч – камісіі па пытаннях сацыяльна-культурнай галіны і сацыяльнай абароне грамадзян.
У склад новага прэзідыума раённага Савета дэпутатаў увайшлі вышэйпералічаныя шэсць чалавек: В.І. Ерковіч, А.М. Бялянкін, У.А. Аляхновіч, М.С. Арсоба, М.А. Рэдкі, А.В. Станкевіч.
У час работы сесіі старшыня абласнога Савета дэпутатаў У.І. Панцюхоў выказаў падзяку былому старшыні раённага Савета Аляксандру Анатольевічу Рылькову за шматгадовую добрасумленную працу на гэтай адказнай пасадзе. Прынята таксама рашэнне аб узнагароджанні А.А. Рылькова Ганаровай граматай раённага выканаўчага камітэта.