З ЛЮБОЎЮ ДА РОДНАГА СЛОВА
Прыгожая, мілагучная, звонкая наша беларуская мова. А для таго, каб разумець сваё роднае слова, чалавек павінен з малых гадоў чуць яго. І калі бацькі з маленства прывіваюць дзецям любоў да роднай мовы, то пайшоўшы ў школу, тыя будуць з ахвотай вывучаць яе, чытаць кнігі беларускіх аўтараў. А пачытаць кнігі пісьменнікаў на беларускай мове дзецям прапаноўвае раённая дзіцячая бібліятэка. І вельмі радуе тое, што кнігі на роднай мове ў бібліятэцы выстаўлены на пярэдні план, афармляюцца разнастайныя выставы. Адна з іх “З любоўю да роднага слова” — падрыхтавана нядаўна. Аформлена яна з падабраных з густам кніг.
Прыгожая, мілагучная, звонкая наша беларуская мова. А для таго, каб разумець сваё роднае слова, чалавек павінен з малых гадоў чуць яго. І калі бацькі з маленства прывіваюць дзецям любоў да роднай мовы, то пайшоўшы ў школу, тыя будуць з ахвотай вывучаць яе, чытаць кнігі беларускіх аўтараў. А пачытаць кнігі пісьменнікаў на беларускай мове дзецям прапаноўвае раённая дзіцячая бібліятэка. І вельмі радуе тое, што кнігі на роднай мове ў бібліятэцы выстаўлены на пярэдні план, афармляюцца разнастайныя выставы. Адна з іх “З любоўю да роднага слова” — падрыхтавана нядаўна. Аформлена яна з падабраных з густам кніг.
–На верхняй паліцы, — патлумачыла бібліятэкар Ларыса Касачова, — кнігі беларусікх аўтараў, якія ў гэтым годзе адзначаць свой юбілей. Гэта “Дрыгва” Я. Коласа, “Тутэйшыя” Я. Купалы, “Чорны замак Альшанскі” У. Караткевіча і іншыя. Ніжэй на некалькіх паліцах, пад падзагалоўкам “Дакраніся да подзвігу сэрцам”, творы беларускіх аўтараў для дзяцей аб Вялікай Айчыннай вайне. Вучні могуць зацікавіцца і пачытаць кнігу “Я з вогненнай вёскі”, у якую ўвахо-дзяць аповесці А. Адамовіча, Я. Брыля, У. Калесніка, а таксама – кнігі В. Казько “Суд у Слабадзе”, І. Сяркова “Мы з Санькам у тыле ворага”, калектыўны зборнік “Дзеці-героі” і іншае.
У названых беларускамоўных творах кожны чытач знойдзе нешта блізкае для сябе. І прыгорнецца душа маленькага чалавека да роднага слова аднойчы і назаўсёды.
С. ВАРАПАЕВА.