Дудаковіцкая царква
Гэта старажытная царква, захаваўшаяся ў нашым рэгіёне, нават праз тоўшчу стагоддзяў застаецца сведкам сувязі з далёкай мінуўшчынай. У пачатку XVIII страгоддзя манахі-дамініканцы заснавалі ў Дудаковічах манастыр і ўзвялі каменны касцёл. Сама ж вёска была заснавана ў XVI стагоддзі. Пазней храм аддалі Праваслаўнай царкве, а затым і ўвогуле вырашылі перабудаваць. У 1869-м ён быў асвячоны.
Службы ішлі да рэвалюцыі. А потым царкву прыладзілі пад зернесховішча. Сёння яна пустуе і чакае свайго часу на аднаўленне. Аднак, нягледзячы на выпрабаванні, будынак не страціў сваёй таямнічасці і велічы. Храм застаецца і захавальнікам легенд. Па адной з іх, у царкве калісьці быў падземны тунэль, які вёў у лес. Уваход у падзямелле хаваўся пад вялізнай чыгуннай плітой. Зніклі гэтыя масіўныя «дзверы» не так даўно – у канцы XX ст.