Навагодняе падарожжа Дзеда Мароза
Па шматлікіх пажаданнях
Паважаных чытачоў
Дзед Мароз у гэтым годзе
Вакенца ў графіку знайшоў,
Каб з круглянцамі сустрэцца,
Да нас пад ёлку завітаць
І ад усёй душы і сэрца
Стварэння, міру пажадаць.
І перш за ўсё з паклонам
Наведаў ён кіраўніка раёна:
«Шчыра Вас вітаю, паважаны, –
Сказаў, пажаўшы Ермаліцкаму руку.
–Бачу, служыце Кругляншчыне аддана,
Удзячны многія Вам як кіраўніку».
Пачуў у той дзень шмат добрых слоў,
Безумоўна, і Храмцоў.
«Раён ваш добры і прыгожы,
Тут працавітых шмат людзей…
Сачу ў газетным Тэлеграме
За рухам фактаў і падзей:
Як сеялі і як пахалі,
Як сабіралі ўраджай,
Якім багатым і святочным
Быў ваш круглянскі каравай…»
Пагасціўшы з паўгадзіны ў выканкаме,
Дзед Мароз адправіўся далей,
Бо ў яго даволі шчыльным плане
Было наведаць шмат яшчэ людзей.
Пабыў у райгазе ў Баравікова,
І ў Лебедзева ў ДРБУ,
Дзе працавітасць – усяму аснова,
А дысцыпліна – прыклад усяму.
Адтуль наш госць паехаў да Шумейкі,
Каб персанальна павітаць будаўнікоў:
«Дзякуй вам, што да зімы, да чарадзейкі
Вы аднавілі шмат аб’ектаў, пабудавалі шмат дамоў.
Працуйце якасна і плённа, як у павадкі рака,
Каб адраджалася,
У гонар ваш і вашага раёна
Былая слава ПМК!»
Пакуль раён мы аб’язджалі
На тройцы дзедавых каней,
Зашмат аб чым паразмаўлялі,
Абмеркавалі шмат падзей…
«Усё ў вас спраўна ў «сацыялцы», –
Адзначаў шаноўны госць. –
Тут ва ўсіх, лічы, напрамках
Важкія здабыткі ёсць».
За гэта Лукашэвіч «дзякуй»
Дзед Мароз адрасаваў,
Плёну, поспехаў заўзятых
Яе камандзе пажадаў.
Адукацыю наведаў:
«Малайцы! Вось так трымаць!
Лепшых вучняў вашых веды
На рэспубліцы гучаць.
У кожнай групе, у кожным класе –
Прыгажосць і чысціня,
Для рабят усе ўмовы
Паляпшаюцца штодня».
Хай не так і бездакорна
Сёння справы ў АПК,
Але ў кожнай гаспадарцы
Дзед хваліў працаўніка.
З пасадай новай Варанцова
Шчыра ён павіншаваў,
За гаспадарлівасць Жуйкова
Добрым словам успамінаў.
Жывёлаводам, хлебаробам
Прывітанні перадаў,
Надояў важкіх, ураджаяў
У наступным годзе пажадаў.
Гаварыў, што вельмі рады
Атрымцы новых трактароў,
Жадаў, каб тэхніка служыла
На папаўненне закрамоў.
«А прыгажосць у вас якая!..
І «Падар» ваш, і ваша ГЭС,
Мясцін ёсць безліч, што натхняюць:
І Друць, і «Сажалкі», і лес…»
Пабыў у РЭСе і на пошце,
У «Жылкамгас» Дзед зазірнуў,
Заехаў да Мартынава ў госці,
Канешне ж, і пажарных не мінуў…
…Ззяла ёлка на круглянскай плошчы,
Вабячы ў свеце ліхтароў,
Ля яе наш госць спыніў павозку
І няспешнаю хадою падышоў.
Вечарэла. Час быў развітацца,
Але не змог Мароз і тут не затрымацца:
«Бачу, добра рыхтаваліся да свята,
Шэсце Дзед Марозаў правялі,
Тут маіх калег было багата,
Казалі, дужа знатна пагулі!
Хай такім жа шчодрым і цудоўным
Будзе ў новым годзе кожны дзень.
І згодна з указаннем Прэзідэнта,
Хай ён пад знакам якасці ідзе:
Якаснага шчасця і здароўя
Вам, мае круглянскія сябры,
Каб у ладзе, згодзе і з любоўю
Вы па жыцці да поспехаў ішлі!»
Дзеда Мароза суправаджала Марына ПАДГАЕЦ.