«Няма будучыні ў народа, які не памятае свайго мінулага», – гаворыць народная мудрасць. Ад кожнага з нас залежыць, ці зберажом мы сваю гістарычную памяць, ці пакінем ў спадчыну будучым пакаленням незлічоныя скарбы нацыянальнай культуры. Менавіта гэту задачу мы ставілі, праводзячы раённы конкурс агітбрыгад «Па старонкам гісторыі зямлі Круглянскай».

Каманды з усіх школ раёна падрыхтавалі цікавыя і змястоўныя выступленні, расказалі шмат новага пра свае вёскі і іх знакамітых людзей, пра старажытныя часы і тых гістарычных асоб, чый лёс неразрыўна звязаны з лёсам  Кругляншчыны.

Адной з асноўных ідэй  ў выступленнях агітбрыгад “Памяць” і “Патрыёты” (ДУА “Сярэдняя школа №1 і №2 г. Круглае”, Комсеніцкі НПК) гучала і была добра раскрыта тэма Вялікай Айчыннай вайны. А гэта значыць, што дзеці добра памятаюць і ведаюць гэту старонку у жыцці Беларусі і Круглянскага раёна.

Падчас выступленняў каманд з Філатаўскага і Рубежскага, Кручанскага і Цяцерынскага НПК кожны адчуваў сябе патрыётам сваёй малой Радзімы і разумеў, што ён – часцінка маленькай планеты с такой прыгожай назвай Беларусь.

Калі мы прадоўжым выхоўваць у дзяцей  вернасць да роднага краю, яго гісторыі і традыцый, то ў нас і нашай краіны будзе будучыня – светлая, радасная і шчаслівая!

Таццяна Кубека, педагог–арганізатар Круглянскага раённага цэнтра творчасці  дзяцей і моладзі “Вясёлка».