17 красавіка на базе ўстановы «Круглянскі раённы цэнтр сацыяльнага абслугоўвання насельніцтва» загадчыкам аддзела КДД раённага Дома культуры Вольгай Ківель праведзена фальклорная праграма «Хрыстос Уваскрос» для людзей, якія наведваюць аддзяленне дзённага знаходжання для інвалідаў і пажылых людзей.

Вядучая павіншавала ўсіх са святам Вялікадня, расказала пра гісторыю свята, чаму ў народзе спрадвеку яго называюць «Святам святаў», пра традыцыі нашых продкаў і абрады, пра фарбаванне і роспіс яек, пра выпечку і пра велікодныя гульні, якія прыносяць радасць.

Праграма прайшла ў цёплай абстаноўцы і выклікала станоўчыя эмоцыі ва ўсіх прысутных.