Ад мікраклімату ў калектыве, ад прафесіяналізму кіраўніка ў многім залежыць эканамічны поспех.

Ад мікраклімату ў калектыве, ад прафесіяналізму кіраўніка ў многім залежыць эканамічны поспех. Такая думка прагучала, і не раз, у аўторак у Бабруйску на семінары ідэалагічных работнікаў вобласці па актуальных пытаннях ідэалагічнага суправаджэння сацыяльна-эканамічнага развіцця магілёўскага рэгіёна.
Удзельнікамі маштабнага мерапрыемства сталі намеснікі старшыняў гар-, райвыканкамаў, начальнікі ўпраўленняў і аддзелаў ідэалагічнай работы, культуры і па справах моладзі, рэдактары СМІ, кіраўнікі грамадскіх фарміраванняў, а таксама намеснікі кіраўнікоў прадпрыемстваў з колькасцю працуючых звыш 1000 чалавек.
Напачатку работа семінара была арганізавана па групах. У ходзе наведвання шэрагу аб’ектаў вытворчага і сацыяльнага прызначэння размова ішла аб прыярытэтных накірунках ідэалагічнай работы, аб сацыяльна-бытавым забеспячэнні вытворчых працэсаў, аб ролі прафсаюзаў і ўплыве грамадскіх арганізацый на фарміраванне здаровага маральна-псіхалагічнага клімату ў працоўных калектывах, актыўнай грамадскай пазіцыі ў насельніцтва. Сярод знакавых аб’ектаў – Бабруйскі завод трактарных дэталяў і агрэгатаў, ААТ “Чырвоны харчавік”, ААТ “Легпрамразвіццё” і інш.
У Бабруйскім мастацкім музеі для гасцей падрыхтавалі прэзентацыю міжнароднага фестывалю народнай творчасці “Вянок сяброўства”. У рэдакцыі газеты “Шинник” ААТ “Белшына” за круглым сталом абмеркавана роля рэгіянальных СМІ ў станаўленні інфармацыйнага грамадства.
Плянарнае пасяджэнне адбылося ў Магілёўскім абласным тэатры драмы і камедыі імя В.І. Дуніна-Марцынкевіча.
З уступным словам да ўдзель-нікаў семінара звярнуўся намеснік старшыні Магілёўскага аблвыканкама Валерый Малашка, які акрэсліў усёўзрастаючую ролю ідэалагічных работнікаў. Ён жа і вёў затым нараду. Аб зробленым, задачах на будучае гаварыў у змястоўным дакладзе Анатоль Сінкавец – начальнік галоўнага ўпраўлення ідэалагічный работы, культуры і па справах моладзі аблвыканкама. Вопытам сваёй работы падзяліліся прадстаўнікі мясцовай “вертыкалі”, шэрагу прадпрыемстваў, грамадскіх фарміраванняў, сродкаў масавай інфармацыі.
Актыўны ўдзел у семінары прыняў і намеснік Главы Адміністрацыі Прэзідэнта РБ Ігар Бузоўскі. Апошні, у прыватнасці, сказаў, што на вытворчасці сёння хапае розных сацыяльных і эканамічных праблемных пытанняў. Іх трэба рашаць, але з-за іх ні ў якім выпадку нельга забываць аб патрэбах чалавека. І не важна: працуе ён у якой-небудзь грамадскай структуры, на буйным прадпрыемстве або на невялікай вытворчасці, дзяржаўная або прыватная гэта форма ўласнасці. У гэтым выпадку таксама важна роля кампе-тэнтнага кіраўніка, які павінен разумець значнасць ідэалагічнай работы, зможа арганізаваць на належным узроўні вытворчы працэс, стварыць спрыяльны клімат у працоўным калектыве, нацэліць яго на атрыманне якаснага выніку. Сам жа чалавек працы, на думку І. Бузоўскага, павінен пастаянна займацца самаўдасканаленнем, павышаць узровень сваёй кваліфікацыі, тады і будзе пастаянна запатрабаваны. Трэба настроіцца і на тое, каб у выпадку неабходнасці ён быў гатовы нават змяніць сваю прафесію. Рынак працы дыктуе новыя задачы і каштоўнасці. Таму апрача таго, што пра чалавека павінна клапаціцца дзяржава, ён таксама абавязаны прыкладваць намаганні, каб самастойна вырашаць свае праблемы і забяспечваць уласныя і сямейныя жыццёвыя патрэбы.
А. ПАЎЛАЎ.