На іх калгас трымаецца… Магчыма, гэта сказана і вельмі гучна. У СВК “Іскра” шмат іншых прозвішчаў механізатараў, якія множаць славу сельгаспрадпрыемства.

На іх калгас трымаецца… Магчыма, гэта сказана і вельмі гучна. У СВК “Іскра” шмат іншых прозвішчаў механізатараў, якія множаць славу сельгаспрадпрыемства. Але Конанавы – гэта дынастыя асаблівая не толькі ў калгасе, раёне, але і ў вобласці. Асаблівая не толькі па працавітасці, а гэта сёння зноў жа ўмеюць многія, а па сваёй прадстаўнічасці.
Усіх адразу і не пералічыш. Толькі на гэтым фота бачым пяцёра рэальных механізатараў. А гэта – тры старэйшыя браты Сяргей, Анатоль і Міхаіл (справа-налева першы рад). Усе – Міхайлавічы. Іх бацька, Міхаіл Аляксандравіч, быў добра вядомы таксама як вельмі працавіты механізатар.
У другім радзе на фота – два Аляксандры. Адзін сын Міхаіла, другі – Сяргея. У Анатоля – дзеці пакуль школьнікі, таму патрапіць на фота яшчэ абавязкова паспеюць. Адзіная дзяўчына на здымку – Крысціна Конанава. Зноў жа, дачка Міхаіла. Пасада, ня-гледзячы на маладосць, у яе сення вельмі высокая — галоўны эканаміст СВК “Іскра”. Але і з тэхнікай яе звязваюць рэальныя падзеі. Некалькі гадоў запар Крысціна працавала ў бацькі ў экіпажы памочнікам камбайнера. Была нават у складзе “тысячнікаў”. Пра такіх як яна ў свой час сказаў адзін з герояў вядомай кінастужкі: “Камсамолка, актывістка, прыгажуня… ”.
Аляксандр ПАЎЛАЎ.
Фота аўтара.