У сельскагаспадарчым вытворчым кааператыве «Іскра» працуе ў малочнатаварнай га-ліне шмат прызнаных майстраў свёй стравы, якія здабываюць гонар не толькі сваёй гаспадарцы, але і ўсяму раёну.

У сельскагаспадарчым вытворчым кааператыве «Іскра» працуе ў малочнатаварнай га-ліне шмат прызнаных майстраў свёй стравы, якія здабываюць гонар не толькі сваёй гаспадарцы, але і ўсяму раёну.
— У першую чаргу, — кажа галоўны заатэхнік сельгаспрад-прыемства Ганна Старасціна, — самых шчырых слоў падзякі заслугоўваюць аператары машыннага даення кароў Ахімкавіцкага малочнатаварнага комплексу Наталля Кавецкая і Святлана Зязюліна. Абедзьве летась атрымалі ў разліку на кожную карову больш як па сем тысяч кілаграмаў малака і выйшлі пераможцамі раённага працоўнага спаборніцтва. Партрэт Наталлі Кавецкай занесены на раённую Дошку Гонару, ей прысвоена званне «Лепшы па прафесіі».
Самыя добрыя словы ў адрас гэтых руплівіц кажа і загадчыца комплексу Галіна Камарова.
— Менавіта на такіх вось, як Наталля і Святлана, трымаецца наша жывёлагадоўля. Работа ў іх нялёгкая, патрабуе не толькі нямалых затрат фізічных сіл, але і па часе ненарміраваная. Аднак жанчыны — з тых людзей, што не адступаюць перед цяжкасцямі. У справу, якую з дня ў дзень робяць, яны ўкладваюць не толькі стараннасць, але часцінку душы. І так год за годам . Наталля і Святлана вынікова працуюць і сёлета. Зноў упэўнена ідуць у ліку правафланговых унутрыгаспадарчага і раённага спаборніцтваў. Ды і ў вобласці сваімі паказчыкамі яны таксама сярод лепшых. Часам сапраўднага трыумфу для Святланы Зязюлінай стала свята “Александрыя збірае сяброў”, што прайшло ў першай дэкадзе ліпеня ў Шклоўскім раёне. На цырымоніі ўшаноўвання лепшых працаўнікоў аграпрамысловай галіны Магілёўшчыны Святлана двойчы запрашалася на святочную сцэну. Ганаровай граматай камітэта па сельскай гаспадарцы і харчаванню аблвыканкама яна адзначана за асабісты важкі ўклад у развіццё аграрнага сектара эканомікі. З рук кіраўніка абласной “вертыкалі” Уладзі-міра Даманеўскага Святлана прыняла яшчэ адну адзнаку прызнання і павагі за добрасумленную і выніковую працу – Дыплом пераможцы абласнога спаборніцтва сярод аператараў машыннага даення.
З выдатнай перамогай С. Зязюліну шчыра павіншавалі кіраўнікі раёна і СВК “Іскра”, сяброўкі па рабоце. Далучаецца да іх і наша раённая газета.
Упэўнены, што ўзлёту будзе такі ж паспяховы працяг, і Святлана Анатольеўна яшчэ не раз парадуе ўсіх нас выдатнымі вынікамі і здабыткамі ў працоўным спаборніцтве.
М.ВАДАП’ЯН.
НА ЗДЫМКУ: пераможцу працоўнага спаборніцтва Святлану Зязюліну віншуе з поспехам старшыня аблвыканкама Уладзімір Даманеўскі.