Упрыгожваем велікодныя яйкі сваімі рукамі.

Упрыгожваем велікодныя яйкі сваімі рукамі.
У тэхніцы дэкупаж
3 сурвэтак выразаем кветачкі і лісточкі. Рабіць гэта акуратна зусім неабавязкова, бо белы фон сурвэткі ідэальна ляжа на яечную шкарлупіну і мяжа паміж імі будзе практычна незаўважнай. Гэта істотна паскарае працэс. Таму ўсё даволі проста: выразаў з сурвэтак упадабаныя матывы і прыклеіў іх на яечную шкарлупіну.
З дэкаратыўнай паперы
Гэтыя поўныя элегантнасці велікодныя яйкі рабіць вельмі проста: выражце прамавугольнік з дэкаратыўнай паперы. Ён павінен быць па вышыні крыху большы за вышыню самога яйка і па даўжыні крыху большы за акружнасць яйка. Верхнюю і ніжнюю часткі папяровага прамавугольніка парэжце амаль да сярэдзіны на тонкія палоскі. Намажце іх клеем і прыклейвайце па адной да шкарлупіны, сочачы за тым, каб праца была акуратнай, без зазораў паміж палоскамі паперы.
Упрыгожванне гафрыраванай паперай
Гофрапапера — рэч удзячная ва ўсіх адносінах. Вось і ў дэкоры велікодных яек яна ой як спатрэбілася. Асабліва, калі трэба ўпрыгожыць яйкі хутка! Проста нарэжце палоскі гафрыраванай паперы з простым або разным краем і прыклейце адзін канец палоскі да шкарлупіны яйка. Крыху нацягніце паперу і абгарніце ёю яйка. Прыклейце паперу да месца стыку. Можна зрабіць гірлянду з пялёсткаў: выражце кавалачкі ў форме лісця і адзін за адным прыклейце іх па акружнасці яйка. Гэтак жа можна зрабіць і кветачку на верхавінцы яйка.
Каляровыя шакаладныя яйкі
Такі яркі, незвычайны ласунак ацэняць не толькі дзеці, але і дарослыя. Па-першае, гэта выдатнае ўпрыгожанне, па-другое — вельмі мілы сюрпрыз. Вядома, каб іх зрабіць, давядзецца папрацаваць, але яно таго варта.
Нам спатрэбіцца плітка звычайнага белага шакаладу і харчовыя фарбавальнікі рознага колеру. Шакалад трэба будзе распусціць на вадзяной лазні, дадаць па кроплі фарбавальніка і даць яму зусім крыху застыць, каб не быў занадта вадкім.
Надзьміце папярэдне добра вымытыя шары невялікага памеру. 3 кандытарскага мяшка з вузкім наканечнікам ці проста пакета з адрэзаным ражком трэба выціскаць шакалад на шарык, хаатычна заблытваючы палоскі. Дайце застыць, падвесіўшы ў кубачак. Спусціце паветра і выньце шарык. Пры жаданні запоўніце яркімі цукеркамі дражэ.