Ранішняе жнівеньскае сонейка толькі пачынае прыпякаць. Яго першыя яскравыя промні збягаюць з дахаў і спяшаюцца ад адной да другой вуліцы райцэнтра. Заглядаюць яны і ў вакенца невялічкага кіёску ААТ “Магілёўсаюздрук”, які ў палове восьмага раніцы расчыняецца для пакупнікоў. І кожнага з іх тут чакаюць як дарагога госця…

Ранішняе жнівеньскае сонейка толькі пачынае прыпякаць. Яго першыя яскравыя промні збягаюць з дахаў і спяшаюцца ад адной да другой вуліцы райцэнтра. Заглядаюць яны і ў вакенца невялічкага кіёску ААТ “Магілёўсаюздрук”, які ў палове восьмага раніцы расчыняецца для пакупнікоў. І кожнага з іх тут чакаюць як дарагога госця…
Зараз у Круглым дзейнічаюць два кіёскі аб’яднання “Магілёўсаюздрук”. Адзін знаходзіцца каля будынка раённага вузла паштовай сувязі, другі – у раёне магазіна “Северный”. Трэба зазначыць, што цэнтральны кіёск працуе да 18 гадзін, а вось больш аддалены – да 19.30. Як патлумачыла начальнік Круглянскага ўчастка ААТ “Магілёўсаюз-друк” Людміла Фурс, такі працоўны графік – неабходнасць, але прыемная.
— Мы робім усё, каб нашым пакупнікам было зручней. Людзі могуць завітаць за любімай газетай або часопісам пасля работы. І не турбавацца, што не паспеюць да закрыцця, — дадае Людміла Раманаўна.
Акрамя таго, ёсць у Круглым склад прадукцыі данай арганізацыі, дзе таксама можна набыць неабходныя тавары. Аднак разлік тут магчымы толькі безнаяўны.
— Вельмі часта на складзе розныя канцыляр-скія і папяровыя вырабы набываюць школы. За-глядаюць да нас іх кіраўнікі і зараз, напачатку новага навучальнага года, — распавядае Людміла Фурс.
Да таго ж асартымент у гэтых гандлёвых кропках даволі шырокі, таму кожны здолее знайсці тое, што і па цане падыходзіць, і вока радуе. На сённяшні дзень на паліцах кіёскаў – больш за 500 найменняў рознай прадукцыі. Гэта і школьныя рэчы, і прадукты харчавання, і парфумныя вырабы, і, канешне, перыядычныя і неперыядычныя выданні. Яны – на першым месцы. Продаж газетна-часопіс-най прадукцыі – асноўны напрамак дзейнасці “Магілёўсаюздруку”.
Па словах Людмілы Раманаўны Фурс, зараз у кіёсках можна набыць перыёдыку на любы густ. Адных толькі беларускіх выданняў кожны месяц паступае больш за сем тысяч асобнікаў. 14% ад гэтай лічбы – выданні Магілёўшчыны. І на іх заўсёды вялікі попыт. Начальнік Круглянскага ўчастка ААТ “Магілёўсаюздрук” расказала, што аднойчы ёй нават прышлося дадаткова заказваць нумары абласных газет, бо ўсім жадаючым іх не хапіла. “Такая прадукцыя на паліцах доўга не ляжыць!”—усміхаецца жанчына.
Ні для каго не сакрэт, што агульны поспех залежыць ад кожнага працаўніка. Вось і ў “Магілёўсаюздруку” калектыў падабраўся вельмі дружны. Начальнік аб’яднання Людміла Фурс, як кажуць, — чалавек на сваім месцы. Да кожнага падначаленага знаходзіць падход. Працуе яна тут ўжо 12 гадоў. Прафесійных абавязкаў у Людмілы Раманаўны шмат. Яна афармляе заяўкі, сочыць, каб тавар прывезлі без спазненняў і г.д.
Спраўна выконвае свою работу і сартыроўшчыца Вольга Шалкоўская. Яе працоўны дзень пачынаецца ў 6 гадзін раніцы. Жанчына спяшаецца на вузел сувязі, дзе прымае перыёдыку, выпісвае накладныя на яе.
Акрамя таго, на базе Круглянскага ўчастку ААТ “Магілёўсаюздрук” працуюць чатыры кіяскёры: Наталля Марозава, Алена Верхаводкіна, Вольга Махтадуй і Таццяна Каралёва. Усе яны выдатна выконваюць сваю справу. Найлепшай падзякай за прафесіяналізм становяцца добрыя словы пакупнікоў. А іх жанчыны чуюць заўсёды.
І сонейка ўсміхаецца ім, руплівым і дбайным, якія з ахвотай да працы і з добрым настроем пачынаюць кожны працоўн
Т. ПАРКОВА.