Гэта ўжо традыцыя – адкрытая размова губернатара з журналістамі дзяржаўных і недзяржаўных сродкаў масавай інфармацыі Магілёўшчыны. Даная прэс-канферэнцыя, як паведамлялася раней, праходзіла якраз напярэдадні Новага года. Адсюль і яе тэматычная накіраванасць – вынікі адыходзячага года і пяцігодкі ў цэлым, задачы і планы на будучае.

Гэта ўжо традыцыя – адкрытая размова губернатара з журналістамі дзяржаўных і недзяржаўных сродкаў масавай інфармацыі Магілёўшчыны. Даная прэс-канферэнцыя, як паведамлялася раней, праходзіла якраз напярэдадні Новага года. Адсюль і яе тэматычная накіраванасць – вынікі адыходзячага года і пяцігодкі ў цэлым, задачы і планы на будучае.
Размова доўжылася больш дзвюх гадзін. І пачаў яе П. М. Руднік з падзякі ў адрас прадстаўнікоў СМІ і ўсіх выбаршчыкаў за высокую грамадзян-скую свядомасць. “Прэзідэнцкая кампанія-2010 прайшла на высокім ўзроўні, спакойна, нейкіх сур’ёзных заўваг з боку назіральнікаў, асабліва міжнародных, на Магілёўшчыне практычна не было”, — адзначыў П.М. Руднік.
Як працавалі?.. Па папярэдніх падліках становіцца бачна, што па выніках пяцігодкі ўсе паказчыкі, за выключэннем валавай прадукцыі сельскай гаспадаркі, будуць выкананы. І нават дзесьці перавыкананы. Па словах старшыні аблвыканкама, прамысловасць у 2010 годзе прырасла да ўзроўню папярэдняга года адразу на 21 працэнт. Па вобласці створана 20400 новых рабочых месцаў. Зразумела, у лідэрах тут асноўныя прамысловыя гіганты гарадоў Магілёва і Бабруйска, дзе была зроблена сур’ёзная мадэрнізацыя і нарошчаны аб’ём выпускаемай прадукцыі. Але асабліва радуе так званая прадпрымальніцкая галіна, якая пайшла ў нашы малыя гарады і нават сельскія населеныя пункты.
Кажучы аб перспектывах, глава абласной “вертыкалі” якраз і зрабіў акцэнт на тым, што ў прадстаячым пяцігоддзі разгорнецца вялікая работа па пераўтварэнню ў рэальнасць ужо намечаных рэгіянальных прыярытэтаў у развіцці прыдняпроўскага краю. Ужо у 2011 годзе Магілёўская вобласць пачне рэалізацыю, да прыкладу, 36 праграм толькі ў сельскай гаспадарцы.
Наогул аб вёсцы, што асабліва прыемна было для нас, журналістаў-раёншчыкаў, гаварылася ў той дзень даволі шмат. Улічваючы склад асноўнай катэгорыі чытачоў нашай газеты, некалькі вытрымак з выступлення П.М. Рудніка прыво-джу амаль даслоўна:
“Асаблівую ўвагу мы павінны ўдзяліць удасканальванню жыцця-дзейнасці створаных у вобласці 203 аграгарадкоў. К слову, апошні з іх у 2010 годзе будаваўся ў Круглянскім раёне. Нельга таксама забываць і аб развіцці суседніх з аграгарадкамі населеных пунктаў. Але рабіць гэта трэба ў абавязковым парадку з улікам іх індывідуальнасці. Менавіта ў маленькіх вёсачках трэба разгортваць аграэкатурыстычныя комплексы, развіваць пчалярства, вы-рошчваць і перапрацоўваць лекавыя травы. Ды і ці мала яшчэ іншых цікавых накірункаў для людзей прадпрымальных?! Задача ўлады – ініцыятывы падтрымаць”.
Як было зазначана губернатарам, у будучай пяцігодцы мы будзем рабіць стаўку на развіццё буйнатаварнай сельгасвытворчасці, укараненне сучасных тэхналогій і павышэнне прадукцыйнасці працы. Гэта дазволіць значна павялічыць не толькі выпуск, але і продаж сельгаспрадукцыі. Бо павысіцца ж яе якасць і канкурэнтаздольнасць. А ў канчатковым выніку, і гэта галоўнае, — у разы павялічыцца заработная плата працаўнікоў вёскі.
Па словах Пятра Міхайлавіча, толькі з пачатку года на Магілёўшчыне ўве-дзена ў эксплуатацыю больш 30 новых малочнатаварных ферм з сучаснымі даільнымі заламі. У бліжэйшай перспектыве з’явіцца яшчэ 130, што дазволіць поўнасцю адыйсці ад старых тэхналогій у рабоце, пазбавіць аператараў машыннага даення ад усялякага кантакту з малаком.
Аб будаўнічай галіне навогул быў таксама сказ асаблівы. У будаўніцтве жылля да 2015 года вобласць плануе выйсці на паказчык: 1 квадратны метр – на аднаго жыхара. Чэргі на жыллё павінны быць зведзены да мінімуму. Праўда, тут ёсць некалькі «але». Зрабіць планы рэальнасцю можна будзе толькі пры ўмове нарошчвання магутнасцяў будіндустрыі і прымянення больш новых і больш перспектыўных тэхналогій у будаўніцтве.
— Дзеці, як галоўны набытак маладой дзяржавы, будуць акружаны дадатковай увагай. Днямі, — заявіў губернатар, — мы адкрываем для маленькіх жыхароў Магілёва і яго юных гасцей лялечны тэатр (што праз дзень і было зроблена — рэд.). Нам у гэтым плане ўжо зайздросцяць іншыя абласныя гарады Рэспублікі Беларусь. У наш час, а я рос некалі ў вёсцы, — падкрэсліў губернатар, — такіх выгод, як зараз, дзеці не мелі.
У наступнай пяцігодцы мы плануем узвядзенне шэрагу новых школ і дашкольных дзіцячых устаноў. З’явіцца там і дадатковае сучаснае абсталяванне. К слову, — як зазначыў далей П.М. Руднік, — у Магілёўскай вобласці ўжо на сённяшні дзень не засталося ніводнай школы, дзе б не было выхаду ў Інтэрнэт.
У бліжэйшыя два гады, і такую задачу ставіць Прэзідэнт, неабходна завяршыць устаноўку найноўшага сучаснага абсталявання і ў нашых бальніцах і паліклініках.
Старшыня аблвыканкама з высокай перакананасцю заявіў, што ў Прыдняпроўскім краі, які мы па асабліваму любім, ёсць калі не ўсе, то вельмі многія магчымасці для стварэння дастатковага камфорту і якасных умоваў жыцця. Вынікам правільнай мэтанакіраванай работы ў плане сацыяльнай палітыкі стаў прыкметны рост заработнай платы. П.М. Руднік прывёў наглядны графік, як уладныя структуры ад-сочвалі магчымасці, дзе толькі можна, як дапамагчы самым слабым працоўным калектывам перакрыць рубеж месячнага заробку ў 250, 300, а цяпер ужо і ў 350 долараў (у эквіваленце). Прыемна адзначыць, што ў многіх нашых арганізацыях заробак задоўга да Новага года перавысіў «планку» ў 500 долараў. Адзін з самых яскравых таму прыкладаў у пацвярджэнне: губернатар агучыў рэальную карціну па прадпрыемству “Джакей Пластык Магілёў”, дзе сярэдні заробак сёння — 1000 долараў (у эквіваленце).
Гаварылі ў той дзень і аб рашэнні праблем канкрэтных людзей. На думку губернатара, за апошні час у работе са зваротамі грамадзян адбыліся сурёзныя змены ў лепшы бок. Хаця дабіцца гэтага ад чыноўнікаў, па словах Пятра Міхайлавіча, было не так і проста — цэлы шэраг адказных асобаў пакараны адміністрацыйна, а некалькі чалавек і наогул звольнены з працы.
На думку старшыні аблвыканкама, задача кожнага кіраўніка у рэгіёнах — зрабіць усё магчымае для таго, каб праблемы людзей вырашаліся як мага хутчэй і як мага больш якасней. Увага да простага чалавека — гэта сённяшні стыль работы ўладных структур.
А. ПАЎЛАЎ.