Свята апошняга школьнага званка
У суботу, нягледзячы на афіцыйны выхадны дзень, пераважная большасць кіраўнікоў раёна і адказных спецыялістаў райвыканкама спяшаліся з раніцы на свае рабочыя месцы.
У суботу, нягледзячы на афіцыйны выхадны дзень, пераважная большасць кіраўнікоў раёна і адказных спецыялістаў райвыканкама спяшаліся з раніцы на свае рабочыя месцы. А адтуль усе раз’ехаліся па школах Кругляншчыны. На 30 мая, як водзіцца, традыцыйна прыпадае свята апошняга школьнага званка. Падзея гэта значымая і для многіх асаб-ліва запамінальная. Нездарма ж у школьных дварах апрача саміх вучняў і іх настаўнікаў сабраліся бацькі школьнікаў, іншыя родныя і блізкія, гаспадарчыя кіраўнікі ці спецыялісты.
Асобныя прыйшлі не з пустымі рукамі. У прыватнасці, кіраўніцтва Круглянскага філіялу Белдзярж-страх уручыла школе №1 сертыфікат на 20 мільёнаў рублёў на ўкамплектаванне і развіццё матэрыяльна-тэхнічнай базы. Падарункі атрымалі і ўсе першакласнікі данай навучальнай установы.
У рамках рэспубліканскага праекта “Падары дзіцяці футбольны мяч”, што каторы год запар праводзіцца па ініцыятыве і пры спонсарскай дапамозе Міністэрства адукацыі і ААТ “Белаграпрамбанк”, усе першакласнікі сельскіх школ атрымалі скураныя прызы. Бегайце за мячамі і развівайцеся, расціце вялікімі і дужымі – у гэтым і заключаецца сама ідэя такіх падарункаў.
У кожнай школе свята ладзілася па-асобаму сцэнарыю – і хаця з году ў год многае, канешне, паўтараецца ў плане афіцыйнасці, а вось што тычыцца творчых складнікаў, то тут фантазій было праяўлена шмат. І ў тым свая непаўторная адметнасць. І тут ужо не так і важна, дзе была тая дзея – у вялікай гарадской школе, ці ў сель-скай малакамплектнай. А ўсяго іх у раёне: 10 сярэдніх, уключаючы НПК, і 2 пачатковыя. К слову, дзве школы ў гэтым годзе – Філатаў-ская і Грыбінская – не мелі свае выпускныя 11 класы.
Але свята ўдалося ўсюды. Заўважым, што Кругляншчына праводзіць у вялікае жыццё сёлета 123 сваіх выпускнікі (летась было 87). Экзамены за 9 клас здаюць 139 чалавек. У гэтых рабят будзе выбар – прадоўжыць вучобу ў школе, ці паступіць у сярэднія спецыяльныя ўстановы.
Як патлумачыла намеснік начальніка аддзела адукацыі, спорту і турызму райвыканкама І.У. Кры-віцкая, па выніках года самыя старанныя вучні былі ўзнагароджаны падзячнымі лістамі. Адзначаліся прынародна пераможцы і прызёры розных алімпіяд, творчых конкурсаў, спартыўных спаборніцтваў, выдатнікі вучобы і актывісты школьнага жыцця. Пасведчанне асобнага ўзору атрымалі 5 выпуск-нікоў 9-х класаў. Яны – першыя прэтэндэнты на залатыя медалі праз два гады. Сёлета ж медалістамі могуць рэальна стаць чатыры адзінаццацікласнікі з двух гарадскіх школ.
Вышэйшы ўзровень вучэбных дасягненняў (толькі 9 і 10 балаў) у цэлым па раёну паказалі 122 вучні.
Усяго ж на агульнашкольныя лінейкі, прысвечаныя апошняму званку, прыйшлі 1629 навучэнцаў, што некалькі больш мінулагодняга. Вось і атрымліваецца, што асноўны склад вучнёўскага корпуса адправіўся ў суботу на свае самыя вялікія канікулы. А гэта для іх ці не самая значная святочная падзея.
І ўсё ж у цэнтры ўвагі на лінейках былі выпускнікі. Арганізатары зрабілі ўсё, каб яркае і прыгожае развітанне са школай запомнілася надоўга. На тварах выпускнікоў, іх бацькоў, настаўнікаў, былі не толькі шчырыя ўсмешкі, але і слёзы. Школьны калектыў – як адна вялікая сям’я.
Часу для раскачкі ў адзінацца-цікласнікаў няма аніякага. Сёння, калі гэты рэпартах выходзіць у свет, яны ўжо здалі свой першы экзамен за курс сярэдняй школы. А ўсяго абавязковых іспытаў сёлета чатыры.
Выпускныя вечары, згодна з рэкамендацыямі Міністэрства адукацыі, на Кругляншчыне намячаецца праводзіць 11 чэрвеня. І прыйдзе час рабятам рабіць свой выбар на карысць той ці іншай прафесіі, таго ці іншага шляху.
А. ПАЎЛАЎ.
Фота аўтара.