Весела спявала ў Круглым Каляда
Традыцыйна студзень – самы “святочны” месяц ва ўсім каляндары. Новы год, Раство Хрыстова – вясёлыя і любімыя многімі святы. Традыцыйна на Каляды ў Круглым ладзіцца масавае гулянне. Гэты год не стаў выключэннем.
Традыцыйна студзень – самы “святочны” месяц ва ўсім каляндары. Новы год, Раство Хрыстова – вясёлыя і любімыя многімі святы. Традыцыйна на Каляды ў Круглым ладзіцца масавае гулянне. Гэты год не стаў выключэннем. Нягледзячы на не зусім камфортнае надвор’е (тэмпература трымалася на нізкім мінусовым ўзроўні), на плошчы каля раённага Дома культуры ў мінулы чацвер сабралася шмат жыхароў райцэнтра і гасцей, многія прыходзілі на гулянне нават цэлымі сем’ямі.
Удзельнікі мастацкай самадзейнасці, як заўсёды, падрыхтавалі цікавы сцэнарый. На сцэну выходзілі і шматлікія калядоўшчыкі, якія шчыра прывячалі Гаспадара з Гаспадыняй, былі там і Скамарохі, Каза і многія іншыя персанажы народнага свята. Канешне ж, не абышлася Каляда без вясёлых песень і танцаў, прынамсі, калючы мароз прымушаў да рухаў, удзелу ў шматлікіх конкурсах і гульнях з уручэннем прызоў.
Па жаданні можна было сагрэцца і гарачай кавай. Выязны гандаль, а дарэчы, разнастайны асартымент прадукцыі прадставілі адразу некалькі прадпрыемстваў – Круглянская ПМК-266, жылкамгас, міжрайбаза – з пастаўленай задачай справіўся вельмі добра. Ды і выбар быў шырокі – на густ любога пакупніка. Таксама жадаючыя маглі прыняць удзел у бяс-пройгрышнай латэрэі і набыць сувеніры, зробленыя майстрамі раённага Дома рамёстваў.
Тэкст і фота Ю. ХОДАС.