У рамках Тыдня бацькоўскай любові ў ДУА «Дзіцячы сад № 2 г. Круглае» прайшло фізкультурнае свята

У рамках Тыдня бацькоўскай любові з мэтай захавання сямейных каштоўнасцяў, выхавання беражлівых адносін да сям’і, пачуцця любові і падзякі да бацькоў у ДУА «Дзіцячы сад № 2 г. Круглае» прайшло фізкультурнае свята. Дзіцячы смех, усмешкі бацькоў, актыўнасць груп падтрымкі і ўзнятая атмасфера спаборніцтваў – усё гэта напаўняла спартыўную залу дзіцячага сада.

Мерапрыемства пачалося з прывітанняў удзельнікаў. Камандам былі прапанаваны займальныя конкурсы, дзе яны змаглі праявіць не толькі свае спартыўныя навыкі, але і добрыя веды аб спорце, адказваючы на пытанні інтэлектуальнай віктарыны. Спартыўна-сямейнае свята прайшло на адным дыханні. Напрыканцы спаборніцтваў журы аднагалосна прыйшло да меркавання: перамагае ўзаемавыручка і сямейная згода.                                  

Фізкультурнае свята атрымалася на славу! Малайцы дзеці і іх бацькі! Усе спаборнічалі ад душы, таму і вынікі атрымаліся добрыя. Каманды былі ўзнагароджаны Ганаровымі граматамі і салодкімі прызамі. А самае галоўнае, што ўдзельнікі набылі вялікі зарад бадзёрасці і станоўчых эмоцый.

Таццяна АНТАНЮК, загадчык ДУА «Дзіцячы сад № 2 г. Круглае».