Ізноў навагодняя тэма –
Галоўная сёння для нас:
Хоць і зіма запазнілася вельмі –
Год наступны страчаць ужо час!
Не зімовая ў Круглым пагода,
Ды ўжо ёлкі агнямі гараць –
Хай капрызная дама прырода,

Ізноў навагодняя тэма –
Галоўная сёння для нас:
Хоць і зіма запазнілася вельмі –
Год наступны страчаць ужо час!
Не зімовая ў Круглым пагода,
Ды ўжо ёлкі агнямі гараць –
Хай капрызная дама прырода,
Не пад сілу ёй час затрымаць!
Зноў Дзядулю Мароза чакаем
Мы з далёкіх паўночных шырот.
Кожны год ён да нас прыязджае
На святочны начны карагод, —
Каб пабачыць на ўласныя вочы,
Як чарговы мы год пражылі,
І наколькі рупліва і творча
Працавалі на роднай зямлі.
Традыцыйна ля ёлкі галоўнай,
Дзе агнямі зіхціць “Ізумруд”,
Каб сустрэць свайго госця шаноўнага
Наш круглянскі збіраецца люд.
Вось і зараз традыцыю гэту
Не мае намеру Дзядуля мяняць:
“Да Ізумруда, Мікола, прыеду,
Вельмі хачу ізноў тут пабываць”.
Такога вось зместу адбіў тэлеграму
Мароз, як у госці да нас выязджаў,
З дадаткам:
“Напружанай будзе праграма,
Чакае, браток, нас з табою шмат спраў!”
… Ля ёлкі галоўнай вяселле віруе,
То пацішэе, то ўспыхне ізноў.
І раптам… Ці чуеш ты, дружа, ці чуеш? –
Бліжэй і бліжэй перазвон бубянцоў!
Сумнення няма: госць к нам едзе чаканы
З паўночных абшараў, дзе лёд ды снягі.
У Круглым Мароз – візітоўнік жаданы,
Блізкі кожнаму з нас і такі дарагі!
… Коні ўмомант свой бег прыпынілі.
Сваёй радасці госць не хаваў:
— Рады бачыць вас зноў, дарагія,
Так сустрэчы я гэтай чакаў!
Знаю, год быў для вас асаблівым:
Абласныя “Дажынкі” прымалі,
І адзнаку за іх, малайцы вы,
Па высокай шкале атрымалі.
Ды інакшай ацэнкі, вядома,
Не магло вам за гэта і быць:
Свой пасёлак утульны, зялёны
Вы змаглі “еўрапейцам” зрабіць.
Вока радуе парк абнаўлёны,
Тратуары і новы асфальт.
Атрымалася ўсё так цудоўна,
Ад душы за круглянцаў я рад!
годам Юбілейным Перамогі
Год мінулы быў для нас для ўсіх,
Вы, сябры, зрабілі гэтак многа
Для герояў мёртвых і жывых.
Стаў яшчэ адным нам напамінкам
Аб вайне аб той мемарыял,
Побач з ім праходзілі “Дажынкі”,
Ладзіцца вяселляў рытуал.
Людзі ідуць з надзеяй да Падковы –
Сімвал Герба Круглага такі —
Дык няхай Падкова шчодра дорыць
Шчасце, дабрабыт вам, землякі!
Але досыць, — Дзед тут спахапіўся,
— Каля ёлкі мне “мітынгаваць”:
Час ляціць, гадзіннік не спыніўся.
Трэба ўжо аб’езд нам пачынаць.
Напачатку мы з табой заедзем
Да найлепшага ў вас мне сябрука, —
І вазок пад кіраваннем Дзеда
Курс узяў на базу ПМК.
Тут Патрончык, як заўжды, бадзёры,
З госцем павітаўся дарагім,
Што з паўночных завітаў прастораў,
Каб дабра нам пажадаць усім.
— Знаю я: за кругам тым Палярным
Вольна завірухам ды снягам.
І павер, Дзядуля, мы, круглянцы,
Крышачку зайздросцім у гэтым вам.
Просім вельмі, каб у новым годзе
Завітала ўсё ж да нас зіма.
Ну а болей, болей да пагоды
У нас прэтэнзій, ты павер, няма.
Дзякуй, што прыехаў зноў, шаноўны,
Бо сустрэча кожная з табой –
Не раўнуючы, як элексір чароўны,
У працы і жыцці дае настрой!
— І табе, Васільевіч, удзячны
Вельмі я, — расчуліўся Мароз, —
Бо заўсёды я па справах бачу:
Спраўна цягнеш свой нялёгкі воз!
Калектыў працуе вынікова,
З ім раён штогод ваш прыгажэй.
У Лыскаўшчыне, цэнтры адпачынку новым,
Жыць я згодны, быў бы маладзей.
Знаю я, што ордэн ты Айчыны
Сёлета за працу атрымаў.
Дык наказ табе я даць павінен:
Каб яго дастойна апраўдаў!
Затым з Марозам зазірнулі
На базу мы газаўшчыкоў
Шафранскага павіншаваў Дзядуля,
Не шкадаваўшы добрых слоў.
У працы плёну калектыву
Ад сэрца госць наш пажадаў.
І каб жылося вам шчасліва,
Каб новы год удалым стаў!
І Лебедзеў, наш “бог” дарожны,
Мароза ветла сустракаў:
— Ну як, Дзядуля, падарожжа,
На нас не вельмі наракаў?
— Увогуле, зрабілі многа
Вы з калектывам, што й казаць,
Але ж дарогі ёсць дарогі,
Іх прадаўжайце “шліфаваць”.
Вядома, ёсць і ў вас праблемы,
А ў каго іх з нас няма.
Жывіце без заспакаення:
Уся ж наперадзе зіма.
Сычоў, як сябра дарагога,
Мароза кавай частаваў.
А госць з чарговай перамогай
Гаспадара павіншаваў.
— Высокі ўзровень – міжнародны,
Узяў, Андрэй, твой калектыў.
І каб надалей гэтак годна
Свайму раёну ён служыў.
Не абмінулі мы, вядома,
У час аб’езду “Камунгас”:
— Цяпло, святло – усё ў раёне
Залежыць, ведама, ад вас.
Парадак ёсць. Яго трымайце, —
Дзед Крываносу даў загад, —
Каб у вялікай гаспадарцы
Заўсёды быў такі вось лад.
І ў раён электрасетак
Наш госць не мог не зазірнуць:
— Хоць я зусім не энергетык,
Я вас, сябры, не абміну.
З наваселлем Раманькова
І “асабовы ўвесь састаў”
Самым добрым, шчырым словам
Госць паўночны віншаваў.
— Няхай напружанне ў працы
Будзе у норме ў вас заўжды.
Плёну ўсім, здароўя, шчасця
Вам на доўгія гады!
Да Сашко і Максімчыка ў госці
Зазірнуць не забыўся Мароз,
Пажадаў, каб для іх калектываў
Новы год плён у працы прынёс.
Па вясковых дарогах нямала
Кіламетраў для нас пралягло.
Мы ад сэрца вяскоўцам жадалі,
Каб быў хлеб і да хлеба было!
Каб іх праца на ферме і ў полі
Плёнам важкім багата была,
Шчасця, радасці, светлае долі
Усім, хто сэрцам “прырос” да сяла.
— Але час развітацца, Мікола,
Бо маршрут яшчэ доўгі ў мяне,
І праехалі ўжо мы даволі
Па круглянскай тваёй старане.
А перед тым, як на год нам расстацца,
Вось тут, на мяжы “тармазнём” мы, давай.
Ты кіраўніцтву раёна, круглянцам
Словы такія мае перадай:
— І ў вытворчасці, і ў сферы сацыяльнай
Напрацовак добрых шмат у вас,
Не губляйце іх, а прымнажайце,
Каб мацнеў трываласці запас.
Здароўя ўсім, сябры – круглянцы,
Няхай шчаслівым будзе год,
Той, у які замля ўступае,
Жыцця без стрэсаў і прыгод!
А ў раз наступны як прыеду,
Каб зноў быў рады я за вас,
І вам было сказаць што Дзеду –
Вось навагодні мой наказ!
Дзеда мароза суправаджаў Мікалай Вадап’ян.